Ego Johannes de Bockenheim praebendarius ecclesiae Spi- rensis, nec non capellanus capellae sancti Nicolai Spirensis, profiteor et recognosco publice per praesentes, quod ego ortum dictae capellae meae versus curiam dictam der frit- hof tendentem teneo et habeo ex concessione prudentum virorum, consulum et civium Spirensium, liberaliter et ex speciali gratia per eos, quamdiu ipsis placuit in futurum. Et quod eundem ortum ipsis consulibus, quotiens et quandocun- que me super hoc requisierint, absque contradictione qualibet debeam resignare. Et quod per hujusmodi concessionem gra- tiose, quamdiu ipsis placuerit, ut praemittitur, in futurum nichil juris in aut dictae capellae meae vel meis in eadem successoribus attributum sit aljqualiter aut etiam acquisitum. Et haec sub sigillo meo proprio, nec non sub sigillo honora- bilis viri officialis, domini praepositi ecclesiae Spirensis, quod appendi petivi, ipsis consulibus et civibus praedictis ac aliis omnibus, quorum interest vel intererit infuturum, cupio fore nota. Et nos officialis domini praepositi ecclesiae Spirensis ad preces dicti Johannis sigillum curiae nostrae praesenti recognitioni et concessioni duximus appendendum. Datum anno Domini MCCCIII. feria sexta proxima post Walpurgis virginis. *