Cuonradus Dei gracia Spirensis episcopus, imperialis aule cancellarius. Tempus edax rerum et fragilis hominum me- moria plurima frequenter subtrahunt humane noticie, et in oblivionem deducunt, ideoque quoddam factum nostrum utile satis et honestum scriptis autenticis dignum duximus recom- mendari. Sane in Spirensi ecclesia, cui nos Deus indignum preesse voluit, et per quam nostre primitive promocionis causam suscepimus et incrementum, cantoriam instituimus de consensu et voluntate capituli nostri et de beneplacito alio- rum bonorum virorum, officium quippe necessarium et honori- ficum ad servicium Dei et cultum. Assignavimus autem de redditibus nostris cantori octo marcas annuatim dandas. Postea ad instanciam capituli nostri et consilium ecclesiam quandam in Hergisheim in Spirensi diocesi sitam, cuius pa- tronatus nobis pertinet, dedimus ad cantoriam pro perpetuo beneficio et per manus dilectorum filiorum nostrorum maio- ris prepositi et decani in presencia multorum tradidimus eidem officio, ut cum primum vacaverit iam dicta ecclesia cedat cantori cum omni iure et utilitate et ita adnectimus ecclesiam illam cantorie, ut semper in posterum officium illud concommittetur. Ut hec autem ordinacio nostra, hoc quoque statutum perpetue firmitatis robur obtineat, hoc pre- sens publicum et autenticum instrumentum conscribi iussimus et sigillo nostro et capituli maioris ecclesie fecimus commu- niri. Huius quoque rei testes sunt, Cuonradus maior pre- positus, Cuonradus decanus, Fridericus prepositus sancti Widonis, Cupnradus custos, Andreas scholasticus, Rudige- rus cellerarius, Cuonradus portarius, et alii de concanonicis nostris. De ministerialibus, Albertus camerarius, Anshelmus advocatus, Heinricus de Nievern, Sifridus cap., Cuonradus de Sulhvelt. De civibus, Cuonradus scultetus, Heinricus de Husen, Sifridus pullus, Cuonradus Godescalci, et alii quam plures. Acta sunt hec autem anno dominice incarnacionis > BICCXIII. XVII. kaL maii, indictione XV. (I.)

1213 august 4.