Fridericus Dei gracia Romanorum imperator semper au- gustus, Ihierosalem et Sicilie rex. Ad hoc in opportunis locis generales nundine sunt invente, ut communis utilitas quam longe lateque humana procurat industria communiter alternis commerciis procuretur. Hinc est, quod subditorum commoditatibus providentes nichilominus generales curas ho- minum et labores benigno prospicientes intuitu, civitatem Spi- rensem pro mutuis commodis exercendis utilem et acceptam, ad celebrandas annuatim universales nundinas a festo apo- stolorum Symonis et Iud,e usque ad quindecim dies sequen- tes duraturas, duximus deputandam, statuentes, ut ibidem sub securitate nostra et imperii, tam vicini quam remoti con- veniant cum mercemoniis suis, communia, sicut moris est, commoda faciendo, dummodo vicinis nundinis indulta in eis- dem diebus non possit opportunitas prepedire. Quare man- damus, precipimus et hortamur universos et singulos, quos gerendarum usus utilitatum et commoda rerum ubique solli- citant, quatenus statutis loco et tempore sub nostro et im- perii securo ducatu cum rebus, mercimoniis et ceteris oppor- tunitatibus, que consueverint ad invicem ad commune com- modum procurari, hilariter et prompte conveniant pro pre- fixis nundinis exercendis, presentis scripti sanctientes edicto, ut omnibus ad eas venientibus, commorantibus et ab inde recidivis secura tranquillitas et tranquilla securitas prebea- tur, et quod in personis et rebus undique serventur indemp- nes, et nullus audeat eos offendere vel occasione qualibet aliquid ipsis impedimentum inferre, donec ad pretaxatum lo- cum veniant et sub eiusdem nostra et imperii securitatis in- dulgencia salubriter ad propria revertantur, scientes quod quicunque mandati nostri temerarius existeret violator in- dignacioni nostre et imperii ac ulcioni debite subiacebit, hiis qui pacem et indempnitatem servabunt nostri favoris graciam obtenturis. Ad cuius rei futuram memoriam et stabilem fir- mitatem presens scriptum fieri et maiestatis nostre sigillo iussimus communiri. Datum Verone, anno dominice incarna- cionis MCCXLV. mense iulii, III. indictionis.

232 1245 august 22.