w ir Wentzlauwe von Gots gnaden Romischer konig zu allen zyten merer des richs vnd konig zu Beheim, beken- nen vnd tun kunt offentlichen mit diesem briefe allen den die yne sehen oder horen lesen, daz wir von wegen des er- wirdigen Niclasen. bischofis zu Spire, vnsers iieben fursten vnd andechtigen, demuteclichen vnd mit flisse gebetten sind, daz wir yme, sinen vnd derselben sinen kirchen zu Spire alle vnd ygliche privilegia, brieve vnd bantvesfen, die yme, sinen vorfaren vnd derselben siner kirchen vber yre stette, festen, slosse, merckte vnd dorffer, gerichte, zolle, rechte, friheide, gnaden vnd gute gewonheide, es sy pfant- schafit vnd eigen, von seligen gedechtuisse etwann dem al- (erdurchluchtigsten fursten vnserm lieben herrn vnd vatter dem Romischen keiser Karln vnd andern vnsern vorfaren an dem riche vnd auch sust andern fursten, herrn vnd per- sonen, geben vnd verliehen sind, besteten, bevesten, vernu- . wen vnd confirmyeren gnediclich geruchten- Des haben wir angesehen vnd auch eigentlichen betrachtet, soliche geneme dinste die dem vorgenannten vnserm herrn vnd vater keyser Karln , vns vnd dem riche, der egenannte bischoff Niclas offt vnd dicke, nutzlichen vnd williclichen getan hat, tagli- chen tut vnd vns noch tun sol vnd mag in kunfftigen zyteu vnd baben darumb vnd auch dem allmechtige Gode zu lobe vnd der koniglichen junckfrauwen Marien, die derselben kirche zu Spire patrone ist sunderlichere, mit wol bedach- tem mute, gutem rate vnd rechtem wissen demselben bischoff Niclasen vnd siner kirche, do auch vnser vorfaren Romische keiser vnd konige begrebnisse ist, alle vnd igliche privile- gia, brieve, hantfesten, die yme vnd sinen vorfaren bischof- fen zu Spire von dem egenannten vnserm vater seligen kei- ser Karlen vnd andern vnsern vorfaren an dem riche Ro- mischen keisern vnd sust andern fursten vnd herrn vber yre stette, vesten, merckte, dorfer, zolle, rechfe, friheyte, gna- den vnd gute gewohnheite. es weren pfantschafft oder eigen geben sint vnd als ferre die redelichen herkommen sint gne- diclichen bestetet, bevestet, vernuwet vnd confirmyeret, be

1395 februai1 14.

steten, bevesten, vernuwen vnd confirmyeren in dem crafft dis bricfls vnd Romischer koniglicher mechte vollkommenheit vnd meynen, setzen vnd wollen, daz sie in allen yren mey- nungen, synnen, puncten vnd artikeln gantze, stete vnd vnver- rucket beliben vnd gehalten werden sollen, als ob sie alle vnd yr igliche von worte zu worte in diesem brieffe geschrie- ben weren, vnd als dieselben hantvesten vrid brieve behalten vnd als sie alle die obgenannte dinge in gewere vnd vbunge herbracht habent, glicher wise, als ob soliche hantvesten, brieve, rechte, friheide vnd gewonheite vnd was darzu ge- horet oder davon hanget oder ruret, in diesem vnserm brieffe von worte zu worte begriffen weren vnd ob sie auch durch rechte oder gewonheit in diesem briefe benennet oder be- schriben solten sin, vnd erfullen auch von egenannter Ro- mischer koniglicher macht, allen vnd iglichen gebrechen ob deheiner von vergessenheit zierunge, der worte gebrechen oder sust in deheine wise in den obgenannten privilegien, hriefen vnd hantvesten gescheen were, vnd gebieten darumb allen vnd iglichen fursten, geistlichen vnd weltlichen graven, fryeu, dienstluten, rittern, knechten, burggraven, pflegern, amptluten, richtern, burgermeistern, reten vnd gemeynden der stette, merckte vnd dorffer vnd sust allen vnd iglichen andern vnsern vnd des richs getruwen vnd vndertanen ernstlichen vnd vesticlichen mit diesem briefe, daz sie den egenannten bischoff Niclasen, sinen nachkommen vnd sine kirche zu Spire wieder soliche vnsere bestetigunge an iren gnaden, rechten, friheiten vnd guten gewonheiten nicht hindern oder irren in deheine wise, sunder sie daby von vnsern vnd des riches wegen getruwelichen vnd helfficlichen banthaben, schutzen vnd schirmen sollen. Wann wer da- wieder tete der soll in vnservnd des riches swere vngnade vnd in ein pene zwentzig marcke lotiges geldes, als dicke das geschehe verfallen sin, die halbe in vnser vnd des ri- ches camer vnd das ander halbe teil dem egenannten bi- schoffe Niclasen vnd sinen nachkommen geutzlichen gevallen solleu. Mit vrkunde ditz brieffs versiegelt mit vnserm ko- niglichen majestat insiegel. Geben zu Prage nach Cristus geburte drutzehn hundert jar vnd darnach m dem funff vnd neuntzigsten jare an sant Valentin dage. vnserer riche des Beheimischen in dem zwey vnd drissigsten vnd des Romi- schen in dem nunzehenden jare. Ad mandatum domini regis Wlachinco de Weyteumule.

1396 april 21. 703