Wè, Sander van Walmode, riddere. Diderec van Walmode, Sone heren Sanderes, knecht bekennet, So 25 wat her Pawenberch l) ander kemenade vñ an deme houe to guftede, de vfes omes was, heren gherardes van guftede, ghe buwet, vñ ghe veftenet heft. vñ Seder an ghe buwet is, dat fcole we af breken, vñ van deme houe bringhen, So dat dar nen venene bliue, funder en flicht tun, ghe tunet mit gherden, vmme de kemenaden, So wanne et van os eder van vfer emme. eder van vfen eruen eflchet, vfe erfame here bifcop Otte van hildenfem, eder fine nakomelinghe, vñ vfe here Hertoghe Henric van brunfw, erer en. eder fe 30 beyde. eder.. de Domproueft. eder de Domdeken, eft nen bifcop en were. We en fcolen oc de Seluen vorbenomeden kemenaden eder den hof, nicht buwen noch veftenen, we en deden dat mit erem willen. We en fcolen oc de kemenaden noch den hof, nicht van os antworden. he en fi ghe broken alfo hir vor- fcreuen is. Storue oc vfer borghen jenich de hir vorghelouet hebbet vñ louet. dar na binnen verteyn nachten wanne we dar vmme ghe manet worden, fcole we enne alfo guden in de ftede Setten. Alle dille 35 vorbefcreuenen rede hebbe we ghe louet. vñ louet an truwen. vnfen erfamen heren, bifcop Otten van hil denfem. finen nakomelinghen. hertoghen henrike van brunfw.. deme Domprouefte.. deme Domdekene. in diflem breue, de ghe veftenet is mit vfen inghefeghelen. Vnde is ghe gheuen na goddes bort Dufent vñ drehundert jar, in deme Drittegheften jare.