Ich^a) Eglolff von Roschach¹ herr Eglolfs sa^elgen sun von Roschach des eltern kúnd vnd vergih offenlich mit vrkúnd dis briefs vor allen || den, die disen brieff ansehend oder ho^erend lesen, daz disú nah geschriben lút vnd gůt, wie die genant sint oder wa dú gu^eter ge||legen sint, minem brůder Růdolfen² ze tail worden sint, ze dem ersten der hoff ze Balgach³, das gůt in Raitbůch⁴, daz gůt in Peters Rúti⁴, || der hoff ze Fúrswendi⁵, daz Haintz Criemler buwet, des Hasen gůt⁶, der hoff ze Crutz Eglen⁷, des Lo^vchers gůt vnd von dem nidern aker vnder dem hus siben viertal ko^vrns vnd vom berg, der vor mals zů ir buw geho^ert, sehs mut kornes, daz nu vom berg zů des Lochers gůt getailt ist, das gůt im Lo^vche⁸ vnd vs dem gůt ze Cratzerun⁹ zehen viertal kernen, die aker ze Rin¹⁰ vnd Veldlins aker, des Ammans bongart, den man spricht der Bu^ele¹¹, den nidern garten, den der Spa^et buwet, des Verren zehenden den dritten tail, Hansen Rúschen ho^vfstat vnd die ober hoffstat am Haingarten¹² ze Roschach, disú gu^eter ligent ze Nidro Goldach¹³, des Stúrmen gůt, das V^eli Scho^eri buwet, die schubůz, die Haini Frie hat vnd die der Zuber buwet, des Frien schůbus, daz V^eli Scho^eri buwet, der Kesselerinen gůt, Ru^edins Langen gůt, das V^eli Scho^eri buwet, von gebetten daz gu^etli, daz gůt vff dem bach, daz V^eli Wiler buwet, der aker im bifang, den V^eli Scho^eri buwet, der Schafferinen gůt, der hoff ze Amargaswile¹⁴, der zehend ze Amargaswile vnd der zehend ze Begitwiler¹⁵, vs dem gůt ze Koblen¹⁶ zwai viertal ko^vrns, ab Stúrmen gůt zwai viertal kornes, Va^elklins múli, dú ze Bernang¹⁷ gelegen ist, Hainin Criemler sin wip vnd irú kint, V^elin Criemler sin wip, V^eli Scho^eri sin wip vnd irú kint, V^eli Wiler sin wip vnd irú kint, Ru^edin Schmitt sin wip vnd irú kint, Cu^eni Halter sin wip vnd irú kint, Wernli Schmitt sin wip vnd irú kint, Hans Scho^eri sin wip vnd irú kint, Chu^eni Trumber, Vrselle Rúschinun vnd irú kint, V^eli Ka^emerli sin wip vnd irú kint vnd sin stúfsun, Haini Stúrmen můter, Hans Eschler, Chu^eni Grůber, Herman Hase sin wip vnd iro kint, Ru^edin Hasen, dem man spricht der Clein, Clasen von Sigmerigen¹⁸ wip vnd irú kint, V^eli Schniders wip vnd irú kint, Ma^etzi Ca^emerlin vnd irú kint, Chu^enins Stúrmen tohter, des A^effers wip vnd irú kint, Ja^ecli Scho^erins wip vnd irú kint, Haini Ko^vch sin wip vnd sinú kint, des beschornen kint zwai, Stepfan Escheler sin wip vnd irú kint, Haini Stúrme. Dis vorbenempten lút vnd gůt, wie dú genant sint vnd wa dú gelegen sint vnd waz den selben lúten vnd gu^etern zůgeho^eret, es si benempt oder vnbenempt, vnd waz von den selben lúten iemer kunt, daz sol der egeschriben min brůder inne ha^vn vnd niessen vnd sin erben, ob er enwere, a^vn min vnd miner erben sumnust vnd ierrung mit ze setzen und ze etsetzend mit allen den rehten, als wir es inne gehebt ha^vnt vnd an v´ns braht sint. Es ist o^vch beret vnd mit namen vss bedinget, waz lút ald gu^eter no^vch vngetailt sint, die an disen briefen nit verschriben sint, daz wir daz hie nach tailen so^vnd, wenne es min brůder Růdolff oder sin erben an mich ald an min erben můtent vnd tailes begeren, vnd were kain lút ald gůt in disem tail verswigen, daz sol inen enkain schaden bringen. Vnd daz dirr tail vnd waz hie geschriben stat sta^et belib, so gib ich Eglolff der eschriben von Roschach disen tail brieff besigelt mit minem aigen insigel. Der geben ist am nehsten fritag nah v´nser fro^vwen tag ze herbst, nach Cristus gebúrt drúzehenhundert iar vnd da nach in dem sehs vnd sehtzigostem jare.

Source Fulltext: Chartularium Sangallense VIII, Nr. 5040, S. 228-229.