Heinr. dei gracia episcopus Const(antiensis)¹ omnibus presencium inspectoribus notiaiam^a) subscriptorum cum salute. Ex parte hospitalari||orum hospitalis sancti Spiritus siti in opido sancti Galli² infra limites ecclesie sancti Laurencii³ ibidem nostre diocesis seu paperum^b) || in eodem hospitali degencium nobis extitit humiliter supplicatum, ut logevam^c) et antiquam conswetudinem ac morem || subscript(os)^d) nec non consensum statutum ac voluntatem dilectorum in Christo domini Hermanni divina permissione abbatis monasterii sancti Galli⁴ ordinis sancti Benedicti dicte nostre diocesis dicte ecclesie sancti Laurencii patroni et Conradi de Ramswag⁵ eiusdem ecclesie rectoris desuper sibi concessum ac factum, de quibus in subscripta littera plenius continetur, approbare et confirmare et auctoritatem nostram ordinariam inpertire dignaremur. Cuius quidem littere tenor sequitur in hec verba:||
Es folgt der Text von Nr. 4510 (nach A²).||
Nos igitur prefatis litteris et contentis in ea cum diligencia perlectis perspectis ac consideratis, quia invenimus prefatam consuetudinem racionabilem fore et esse ac canonicis iuvari institutis, idcirco prefatam laudabilem. consuetudinem cum premissis secutis ad eam seu occasione ipsius auctoritate ordinaria tenore presencium approbamus et confirmamus et consensum nostrum ordinarium eisdem presentibus inpertimur. In cuius approbacionis confirmacionis et consensus nostri testimonium presentes litteras dictis pauperibus tradidimus nostri sigilli munimine roboratas. Datum Const(antie) anno domini millesimo CCC° LVIII°, non. marcii, ind. undecima.

Source Fulltext: Chartularium Sangallense VII, Nr. 4529, S. 373.