Ich^a) Růdolf der Maiger von Alstetten¹ fúrgih offenlich an disem brief, das fúr mich kam an offenem geriht ze Alst(etten) in der stat || Wa^elti der Vedrer mit fúrsprechen, vnd sprach Oswaltun Peter Rainoltz svn das hofgůt an, das da lit ze Lv´chingen² in dem wingarten, || das wa^er sin^b) vnd wa^er des gůtes erb billich vor aller ma^enlich. Des kam der ob genamt Oswalt fúr mich den ê gúschriben || Ru^od. den Maiger an offenem geriht mit fúrsprechen vnd fúrsprach an offenem geriht das ê gedaht hof gůt ze Lúchingen, vnd mit besamnotter offenr v´rtailt an offem geriht ward ertailt, das Wa^elti der Vedrer so^elt den obgenanten Oswalt von Veltkilch³ gantzlich vnd allen weg vngemu^eget lasen beliben in genossenr nvzzelicher vnd ru^eweklicher gewer des dikbennemten hofgůtes ze Lúchingen gelegen, won so vil er im mit dem rehten mo^ehti zv^o komen. Wa^er abir das, das er in kainen weg anders jerti an dem obgenanten hofgůt denne mit dem rehten, vor dem so^elt in das geriht billich schirmen. Vnd des ze ainem waren sichern vrkv´nd aller der dinge, so hie vor stant^c) geschriben an disem brief, henk ich Růdolf der Maiger min aigen insigel an disen brief. Der geben wart ze Alst(etten) vor offem geriht, da ich ze geriht saz, do man zalt von gottes gebúrt drv´zehen hundert jar, fv´nfzig jar, dar nah in dem dritten jar, an dem gůtem tag in der krv´z wochen vor gottes v^fvart, der des jares kam an dem dritten tag vor der botten tag ze inga^entem maigen.

Source Fulltext: Chartularium Sangallense VII, Nr. 4295, S. 188-189.