Omnibus intuentibus presens scriptum Eglolfus miles de Alstetin¹ ministerialis monasterii sancti Galli salutem || in domino et notitiam subscriptorum. Ne gesta rerum oblivionis corrosa ferrugine materiam litium et inquietudi||nem inposterum valeant generare, expedit, ut quod agitur litterarum inditiis perennetur. Hinc igitur est, quod notum fieri || cupio universis, quod ego vineam meam dictam des Sennin wingart², item possessiones meas dictas des A^echers guot³ cum singulis suis pertmentiis videlicet domubus^a), edifitiis, agris, pratis, pascuis, nemoribus, viis, inviis, aquis aqueduetibus et universis aliis suis appenditiis et annexis, quibuscumque censeantur nominibus, prout et ego possedi hactenus pacifice et quiete, vendidi rite et legitime hospitali pauperum apud sanctum Gallum⁴, receptisque in solutum viginti septem libris denariorum usualis monete per manus venerabilis patris ac domini mei Wilh(elm)i dei gratia abbatis⁵ monasterii prenotati, memorata bona cum stipulatione sollempni ac exhibitione iuris, verborum et gestuum, que solent in talibus sollempniter adhiberi, transtuli in personam discreti viri Hainrici dicti Blarrer procuratoris eiusdem hospitalis libere eiusdem hospitalis nomine possidenda, obligans me ac meos heredes ad plenam gwarandiam^b) ac ad omne evictionis periculum eorundem bonorum coram quocumque iudice ecclesiastico vel civili. Constitui nichominus^c) super hoc fideiussores C. dictum Kuchimaister ministrum oppidi sancti Galli⁶, Ruod. scultetum de Wil⁷ et Hainr. dictum Omin⁸, ut ad evictionem et plenam gwarandiam tenear quandocumque. Promisi insuper pro me et heredibus meis, nunquam contra hec venire verbo vel facto, renuntians cum hoc exceptionibus doli mali, non numerate peceunie, non tradite, non solute, deceptionis ultra dimidium iusti pretii, auxilio conswetudinis generalis seu specialis ac generaliter singulis et singulariter universis iuribus necnon suffragiis legum vel canonum, per que premissorum aliquid infirmari posset vel etiam irritari. In cuius rei evidens testimonium sigillum proprium duxi presentibus appendendum. Dat. apud sanctum Gallum anno domini millesimo C°C°. LXXXXIX°. XIII° kal. iulii, indic. XII^a. Acta sunt hec presentibus domino C. pincerna de Landegge⁹, domino V^olr. dicto Giel¹⁰, Jo. Dispensatore¹¹, H. et C. dictis Blarrer, H. dicto Omin, V^olr. advocato de Wartinse¹², H. de Alstetin¹³, Walt. in dem Waedest¹⁴ et aliis pluribus fidedignis.

Source Fulltext: Chartularium Sangallense IV, Nr. 2486, S. 543.