Wir Wenczlaw von gotes gnaden Romischer kunig zu allen czeiten merer des reichs vnd kunig zu || Beheim embieten dem burgermeister rate vnd burgern gemeinlichen der stat zu sant Gallen vnsern || vnd des heiligen reichs lieben getrewen vnser gnade vnd alles gute. Lieben getrewen, vmb die gewonlich || stewre, die ir vns vnd dem reiche alle jare vff sand Merteins tage zu geben pflichtig seit, heissen vnd gebieten wir euch ernstlichen vnd vesticlichen bey vnsern vnd des reichs hulden, das ir von vnsern wegen Hansen von Bodmen⁴ vnserm diener vnd lieben getrewen die nehste zukumftige sand Merteins tage stewre als von diesem jare genczlichen richtet vnd beczalet. Wann so ir das getan habet, so sagen wir euch von vnsern vnd des reichs wegen der egenanten zukumftigen sand Merteins tage stewre als von diesem jare genczlich vnd gar qweit ledig vnd loze. Geben zu Prage noch Cristes geburde dreyczenhundert jare vnd dornach in dem sechsvndachczigisten jaren, des nehsten freitags noch gots vffarts tage, vnserr reiche des Behemischen in dem dreyvndczweinczigisten vnd des Romischen in dem czehenden jaren.

Source Fulltext: Chartularium Sangallense X, Nr. 6145, S. 336-337.