Den erbern wisen vnsern besundern lieben frúnden vnd aidgenossen dem burgermaister vnd dem || ra^vte der stat zů sant Gallen enb(ieten) wir gemain stette, die den bund mit ainander haltend in Swaben, || als wir vf dis zit ze Vlme bi ainander sien, vnser frúntlich willig dienst. Lieben frunde, wir lassen || iuch wissen, das wir vns bekent haen, das ir dem vesten vnd erbern hern Hansen von Bodmen¹ ritter iuwer stat gewonlich stivr von disem vergangen jar antwúrten vnd geben sullen nach siner brief sag. Darumbe bitten wir iuch, das ir in mit der selben iuwer stivr durch vnsern willen fúrdernt vnd in der gu^etlichen bezalent, daran tůnd ir vns besunder lieb vnd dienst. Geben ze Vlme von vnser aller haissentz wegen vnder der von Vlme vfgedrucktem insigel an aftermentag vor vnser frowen tag purificatione anno domini etc. LXXX^mo octavo.

Source Fulltext: Chartularium Sangallense X, Nr. 6242, S. 466-467.