P + In nomine sanctae et individuae trinitatis. Heinricus divina favente dementia rex. + Si res ęcclesiis dei pertinentes auctoritatis nostrae potentia stabilimus earumque commoda in omnibus provide perpensamus, in hac et in ęterna vita premia nobis permansura speramus. Quapropter omnium dei nostrique fidelium tam futurorum quam * pręsentium noverit industria, qualiter fidelis noster Immo^a)1 abbas Fabariensis monasterii, quod est constructum sanctae dei genitricis Marię in honore, situm in pago Retia Curiensi in comitatu Eberhardi² cum monachis sibi subiectis celsitudinis nostrae clementiam adiit humiliter obsecrens^b), ut eosdem monachos atque res predicti monasterii propter quorundam hominum perversorum tergiversationes in nostrum mundiburdium et tuitionem susciperemus atque illorum pręcepta ac privilegia quę ab antecessoribus nostris regibus vel imperatoribus acceperunt nostrę auctoritatis munimine renovando confirmaremus electionemque illis concederemus. Insuper etiam ostendit nobis prę cepta ac privilegia antecessorum nostrorum regum et imperatorum Karoli, Ludowici, trium Ottonum, Heinrici secundi, Cho^vnradi nec non et beatae memoriae patris nostri Heinrici imperatoris augusti, in quibus continebatur, ut praefati monachi regiae vel imperialis defensionem tuitionis super res ad idem monasterium pertinentes habere debuissent. Quorum nos petitioni pro aeterna memoria patris coniugisque nostrae Berhthę * ipsos monachos et res ad prefatum monasterium pertinentes per hoc regale praeceptum in nostrum mundiburdium et tuitionem suscepimus, eo quoque tenore ut nullus publicus iudex dux comes vel episcopus aut quislibet iudiciaria potestate constitutus aliquam super eos in rebus vel in familiis eorum exerceat potestatem intus vel foris, sed eiusdem monasterii abbas prenominatus eiusque successores ad monachorum usus necessarios potestative teneant atque possideant. Sit vero abbatia illius monasterii libera et ab omni extranea et iniqua potestate secura, nec alicui successorum nostrorum regum vel imperatorum^c) liceat eam vel res suas alteri monasterio aut personae inbeneficiare aut in proprietatem donare. Concessimus nanque^d) eis electionem et potestatem firmissimam quemcumque inter eos abbatem voluerint eligere, quatinus eos pro nobis libentius deum delectet exorare. Et ut haec presentis auctoritas precepti firmior stabiliorque * nostris fidelibus credatur, hanc cartam inscribi et sigilli nostri impressione sigillari iussimus propriaque manu subtus firmavimus.||
+ Signum domni Heinrici (M.)^e) invicti regis. +||
+ Sigehardus cancellarius vice Sigefridi archicancellarii recognovi. + (SI.3)||
Anno dominicae incarnationis millesimo LXVII, indictione V, anno autem ordinationis domni Heinrici quarti regis XV, regni vero XI; actum Brochsvl; feliciter amen.

Source Fulltext: UB der südl. Teile des Kantons St. Gallen I/3, Nr. 133, S. 133-134.