In nomine patris et filii et spiritus sancti. Testamentum suum non bene disponit, qui terrenis tantum testatur heredibus et non facit Christum suę substantię coheredem. Unde ego Hermannus¹ villicus de Regaz² animadvertens dignum fore, ut qui universa bona prestat, parentem debeat recipere prestatorum et habere locum in pagina testamenti. Notum facio tam futuris quam presentibus proprietatem quorundam prediorum meorum, quę ad me iure hereditario devenerunt, sanus mente et corpore, cum absque liberis essem, pro remedio animę meę et progenitorum meorum ecelesię sanctę Marię in Fauaria me^a) tradidisse et a domino meo venerabili abbate Ludewico eadem predia nomine feodi mea recepisse statuens, ut unum solidum mercedis in grano annuatim me vivente^b) iam dictę ecelesię de prediis eisdem persolvam. Eadem quoque bona dilectę coniugi meę dominę Itę legavi et tradidi nomine dotalicii, si ipsa superstite dies meus extremus michi prius diluxerit, cum omnibus proventibus et fructibus usque in finem vitę ipsius cum omni pace et tranquillitate sine cuiuslibet^c) perturbatione possidenda, salvo predicto solido mercedis iam dictę ecelesię de prediis eisdem persolvendo. Quod si per dei misericordiam liberos procreaverimus, eadem bona iure feodali ad ipsos sine predicto onere devolventur. Duxi autem ipsa predia propriis nominibus et locis exprimenda: sub Rovino³ unum iugerum agri in duobus locis, iuxta Mvlinanchum⁴ et sub Spilberch⁵ duo iugera agri, in Podriv⁶ unum iugerum agri, in Berowa⁷ per totum XXX^ta sectaricias prati, preterea curtim et vineam ecelesię in Regaz² continuam⁸. Testes autem harum transactionum sunt: de Iuvalto dominus Henricus et dominus Fridericus et dominus V^olricus et dominus Albertus⁹, de Regaz² dominus Albertus Shorandus iunior et senior et Ludewicus¹⁰, Hermannus marscalcus¹¹, dominus Leo¹² et filii sui, dominus Eberardus¹³ et filii sui, dominus Cho^uradus¹⁴, Hartwicus cellerarius, Albero et alii quamplures laici; clerici quoque: Walterus decanus, dominus Chuono, dominus Hermannus, dominus Hugo et alii multi. Actum anno incarnationis M°CC°XX°VIII°, indictione prima, regnante glorioso imperatore Friderico et filio eius rege Henrico, existente advocato domino Henrico de Saxo¹⁵ et filio eius domino Alberto¹⁶, sub venerabili abbate Ludewico, cuius sigillum ego Hermannus¹ villicus appendi petii, ne processu temporis hiis transactionibus aliqua posset calumpnia novercari. Data per manum Rodolfi iam dicti abbatis notarii, mense iunio pridie nonis iunii.

Source Fulltext: UB der südl. Teile des Kantons St. Gallen I/5, Nr. 337, S. 259-260.