. . In nomine amen^a). R.¹ comes de Rapretswiller^b) omnibus presencium inspectoribus salutem et noticiam subscriptorum. Quia memoria hominum labilis est, ideo ad eternam rei memoriam cautum est, scripture testimonio acta ipsorum perennari. Noverint igitur universi, quod nos in recompensationem iuris patronatus ecclesie nostre in Wremspach² collati a nobis venerabili domino C.³ abbati Fabariensi et suo conventui cum possessionibus duorum mansium sive curtis in Richiswiller⁴ et trium curiarum, que site sunt in Tuegin⁵, quas ab ipso abbate iure tenuimus feodali, ius patronatus ecclesie opidi nostri in Rapretswiller^b) que olim filia fuit ecclesie in Buskilch^c)6, set^d) de consensu et permissione R.⁷ quondam abbatis Fabariensis antecessoris predicti abbatis auctoritate domini . . ⁸ episcopi dyocesani Constantiensis a predicta ecclesia scilicet Buskilch separata fuit, libere et gratanter recepimus a prefato C. abbate et suo conventu a nobis et nostris heredibus seu successoribus perpetuo possidendum promittentes et obligantes nos et successores nostros ipsi abbati et suo conventui super prefato iure patronatus ecclesie in Wremspach ac possessionum^e) predictarum curiarum constitutionem de iure vel de facto in iudicio vel extra numquam aliquo tempore moturos, renunciantes^a) omni iuri ac defensioni nobis competenti per quod vel per que dictum ius et recompensatio per nos vel nostros heredes seu successores posset aliqualiter in posterum revocari; et super hoc presens instrumentum tradimus nostri sigilli munimine communitum. Datum in Rapretswiller^b) anno domini M°CC°LXXXII°, IIII. non. septemb., indictione X^a, presentibus Burchardo plebano in Ragaez⁹, Hermanno plebano in Vetens¹⁰, . . plebano in Ruminanch¹¹. R., Bur. et H. militibus de Turri¹², I. milite seniore dicto ab Ebno^et¹³, Alberto milite de Vrikon¹⁴, H. marscalco, Ja. sculteto, R. ministro in Walastat¹⁵, Alberto dicto Ischener et . . dicto Hegnower¹⁶ et aliis quampluribus.

Source Fulltext: UB der südl. Teile des Kantons St. Gallen I/8, Nr. 742, S. 505.