P + In nomine sanctae et individuae trinitatis. Chuonradus divina favente clementia Romanorum imperator augustus. + Noverit omnium dei nostrique fidelium tam presentium quam et futurorum sollertia, qualiter fidelis noster Salomon abbas Fabariensis monasterii, quod constructum est in honore sanctae dei genitricis Mariae^a) situm in pago Retia Curiensi * in comitatu Marguuardi^b)1, cum monachis sibi subiectis celsitudinis nostrae clementia^c) adiit ho^vmiliter^d) obsecrans, ut eosdem monachos atque res predicti monasterii propter quorundam hominum perversorum tergiversationes in nostrum mundiburdium et tuitionem susciperemus atque illorum precepta ac privilegia quae ab antecessoribus nostris regibus vel imperatoribus acceperunt, nostrae auctoritatis munimine renovando confirmaremus electionemque illis concederemus. Insuper etiam ostendit nobis precepta ac privilegia antecessorum nostrorum regum et imperatorum Karoli * Ludouuici et trium Ottonum nec non beatae memorię Heinrici imperatoris, in quibus continebatur, ut prefati monachi regię vel imperialis defensionem tuitionis super res ad idem monasterium * pertinentes habere debuissent. Quorum nos petitioni ob amorem Christi et ob interventum dilectae coniugis nostrae Gislae imperatricis augustae et amantissimę^e) nostrae prolis Heinrici regis ipsos monachos et res ad prefatum monasterium pertinentes per hoc imperiale preceptum in nostrum mundiburdium et tuitionem suscepimus, eo quoque tenore ut nullus publicus iudex dux * comes vel episcopus vel quislibet iudiciaria potestate constitutus aliquam super eos in rebus vel in familiis eorum exerceat potestatem intus vel foris, sed eiusdem monasterii prenominatus abbas suique successores ad monachorum necessarios usus potestative^f) teneant atque possideant; et ut nullus inde quippiam alicui in beneficium prestare presumat, sed sub nostra defensione illorum res perpetualiter permaneant ad illorum, ut supra diximus, necessarios usus. Concessimus namque eis electionem et potestatem firmissimam quemcunque inter eos abbatem voluerint eligere, quatinus eos pro nobis libentius deum exorare delectet. Et ut haec presentis auctoritas precepti firmior stabiliorque cunctis nostris fidelibus credatur, hanc kartam inscribi anulique nostri impressione sigillari iussimus propriaque manu nostra subtus firmavimus.||
+ Signum domni Chuonradi invictissimi Romanorum imperatoris (M.) augusti. +||
+ O^vdalricus cancellarius vice Bardonis archycapellani recognovit. + (SI.D.)||
Data III. k. feb.^g) indictione XV, anno dominice incarnationis millesimo XXXII°, anno autem domni Chuonradi secundi regnantis VIII, imperantis vero V; actum Strazburch; feliciter amen.

Source Fulltext: UB der südl. Teile des Kantons St. Gallen I/2, Nr. 118, S. 119-120.