Ich Walther der Maiger von Alt[st]etten¹ kúnd vnd vergich offenlich mit disem bri^ef allen den, di in sehent oder ho^erent lesen, das ich schuldig bin vnd [. . .] vnd redlich [. . .] min erben [. . .] den erbern manen Gudenz [v]nd Martin Buwigsen gebrůdern vnd iren erben, ob si enwerint, zwenhunderdt [vnd] drisek guldin gůter vnd vollegewegener Florentiner von lichens wegen, vnd han inen vnd iren erben dar vmb ze merer sicherhait ze ang[últen] vnd ze búrgen geben hern Hartman den Maiger von Windegge² ritter vnd Herman von Montfort³. Des verjehent wir di^e vorbenemten gúlte[n vnd] angúlten alle drige fúr v´ns vnd v´nser erben, dz wir inen vnd iren erben dis vorbenemte gůt alles vnuerschaidenlich gelopt habint ze [geben] vnd ze richten nu ze dem na^echsten kúnftigen sant Martins tag, der schi^erost kumt nach dem tag, als dirre bri^ef geben ist, vnd inen pfe[. . .] pfant wir vnd dirre nachbenemte búrge ze bringen vnd ze antwúrten gen Veltkirch⁴ gen Werdenberg⁵ oder gen Maigenuelt⁶ in der [driger] stett aine, wa hin si es vordront vnd aller gernost enpfahen went, an geuerde. Wa dz nicht bescha^ech, wi^e si denne fúr di^e ersten v[. . .] von dis gůtes wegen ze redlichem schaden komment vnd ir erben, ob si enwerint, es were von pfandung von klag von zerung von bottenlon [oder] sus von andren redlichen sachen wegen, den schaden sont wir in o^vch vsrichten an ir schaden vnd vmb den selben redlichen schaden iren [. . .] ze gelo^vben an ait. Vnd vmb das gůt vnd vmb den schaden habent wir inen ze merer sicherhait ze búrgen geben V^olrichen den Vnrain[en schult]haiss ze Werdenberg. Wir vnd der selbe búrge habent inen vnd iren erben gelopt vnuerschaidenlich, dis gůt ze antwurten, als vorbeschaiden ist [. . .] pfenning ald gu^etú vngeuarlichú varendú pfant ze bringen in der egenanter driger stett aine, wa si es hin vordront, als vil, dz si dis [g. . .] vnd des schaden gar v´sgericht werdent an ir schaden. Ta^etint wir des nicht bi der ersten vordrung, so hant di^e vorbenemten Gudenz v[nd Martin] Buwigsen ir erben vnd wer inen dar zů beholfen ist, vollen gewalt vnd erlo^vbent inen dz mit disem bri^ef, vns gúlten vnd angúlten vnd de[. . .] ze no^eten vnd ze pfenden an zorn vnd ane klag mit gericht oder an gericht in stett vf búrg oder vf dem lande ze holz ze veld vnd allenthalb [. . .] si an lút oder an gůt, wa vnd wi^e vnd war si went, als dik vnd wi^e vil si es tůnt, vnz inen dis gůt vnd der schad gar wirt vsgericht [an iren] schaden. Giengi inen o^vch der vorbenemt búrge ab von to^vd ald wi^e er inen ze búrgen vnnúze wurde, sastint wir inen denne ie nicht a[inen] andren als gewissen búrgen inront dem na^echsten manot, wenne es an v´nser ainen geuordert wirt, an geuerde, so hant si gewalt vmb [. . .] v´ns ze no^etenn vnd ze pfendenn, vnz inen dis gůt ald der búrge wirt vsgericht. Wir vorbenemten gúlten vnd angúlten alle drige haben[t o^vch] gelopt vnuerschaidenlich, den vorbenemten búrgen ze lo^esenn von allem schaden, wi^e er dirre búrgschaft i^emer ze schaden kummet, an sinen sch[aden] vnd vmb den schaden sinen worten ze gelo^vben an ait. Ich vorbenemter gúlt Walther der Maiger von Altstetten han o^vch gelopt fúr mich [vnd] min erben, den vorbenemten gúlten vnd búrgen hern Hartman dem Maiger von Windegge ritter vnd Herman von Montfort vnd iren erbe[n. . .], sider si durch miner ba^et willen mit mir vmb dis gůt vnd schaden gúlten vnd búrgen worden sint, dz ich vnd min erben si vnd ir erben s[i] li^eplich da von lo^esen súllent vnd inen dis gůt vnd schaden gar vsrichten sont an ir schaden vnd vmb den schaden iren worten ze gelo^vb[en] an ait. Dirre vorgeschribener dinge ze ainem waren vnd offenem vrkúnd habent wir vorbenemten gúlten vnd angúlten Walther der M[aiger] von Altstetten, her Hartman der Maiger von Windegge ritter, Herman von Montfort vnd o^vch ich vorbenemter búrg V^olrich genant der Vnr[ain] schulthaiss ze Werdenberg disen bri^ef geben besigelt mit vnsren aigen insigeln. Der geben ist ze Veltkirch an v´nser frowen abent ze [der] li^echtmisse, do man zalt von gottes gebúrt drúzehenhundert jar, darnach in dem zwai vnd fúnfzegosten jar.

Source Fulltext: Chartularium Sangallense VI, Nr. 4247a, S. 617-618.