Johannes episcopus servus servorum dei dilecto filio Hermanno abbati monasterii sancti Galli¹ ordinis sancti Benedicti Constanciensis diocesis || salutem et apostolicam benedictionem. Cum nos pridem monasterio sancti Galli ordinis sancti Benedicti Constanciensis diocesis pastoris regimine destituto || de persona tua, nobis et fratribus nostris tuorum exigentia meritorum accepta, de fratrum eorundem consilio auctoritate apostolica duxeri||mus providendum, preficiendo te eidem monasterio in abbatem, prout in nostris inde confectis litteris² plenius continetur, nos ad ea, que ad tue commoditatis augmentum cedere valeant, favorabiliter intendentes, tuis supplicationibus inclinati, tibi ut a quocumque malueris catholico antistite gratiam et communionem apostolice sedis habente munus benedictionis recipere valeas ac eidem antistiti, ut munus predictum auctoritate nostra impendere libere tibi possit, plenam et liberam concedimus tenore presentium facultatem. Volumus autem, quod idem antistes, qui tibi prefatum munus impendet, postquam tibi illud impenderit, a te nostro et ecclesie Romane nomine fidelitatis debi[te]^a) solitum recipiat iuramentum iuxta formam, quam sub bulla nostra mittimus interclusam, ac formam iuramenti, quod te [prestare contiger]it^a), nobis der verbo ad verbum [per]^a) tuas patentes litteras tuo sigillo signatas per proprium nuntium quamtocius destinare procuret, quodque per hoc venerabili fratri nostro . . episcopo Constanciensi, cui dictum monasterium iure ordinario subesse dinoscitur, nullum imposterum preiudicium generetur. Dat. Auinione XVI kl. ianuarii, pontificatus nostri anno decimooctavo.

Source Fulltext: Chartularium Sangallense VI, Nr. 3536, S. 180.