Wir graf Albreht von Werdenberg der elter, graf Albreht von Werdenberg sin sun vnd des sun graf Hug von Werdenberg¹ tůnt kunt vnd vergehin offenlich mit disem gegenwúrtigen brief allen, die in ansehent oder || ho^erent lesen, vmb die vesty Rúdberg², den hof ze Rengenswile³, die vogthie ze sant Peters Zelle⁴ vnd im Wald⁵, dú aigen sint, den hof ze Bútziswele^a)6, der pfand ist von dem gotzhus ze sant Gallen, vnd die vogthye des selben || houes, dú lehen ist von dem rieh, vnd lút vnd gůt, mit gewaltsami mit aller ehafti mit allen nútzen vnd gewonhaiten vnd mit allen rehten, so darzů vnd darin ho^erent, dú wir vorbenempter grafAlbreht von Werdenberg || der elter vormals vnserm lieben o^ehem sa^eligen grauen Friderichen von Toggenburg⁷ reht vnd redlich versetzet habin vnd ze ainem rehten werenden pfand an in braht habin vmb zwelfhundert pfund pfenning gůter vnd gena^emer Costentzer mv´ns, als der brief⁸ bewiset, der darúber mit v´nserm insigel besigelt vnd geben ist vnd vo^elleklicher daran geschriben stat, das wir vorbenempten grauen von Werdenberg alle drv´e nv von des grossen schaden wegen, der von laistung vnd giselschaft wegen vff v´ns gieng, v´nser lieben o^ehem graf Friderichen, graf Donaten, graf Kraften vnd grauen Dyethelmen von Toggenburg⁹ gebrůder mit ernstlicher flissiger bett v´berkomen habin, das si v´ns ir aigenlichen gůtes zů den obgenanten zwelfhundert pfunden gelihen hant vierhundert pfund pfenning gůter vnd gena^emer Costentzer mv´ns, der wir gar vnd gentzlich von inen gewert sigin, vnd habin si och in v´nsern redlichen vnd schinberen nutz geben vnd bekert, als wir vergehin mit disem brief, won wir si geben habin an die schuld v´nser gúltan, da grosser wahsender schad vff gieng, den wir da mit verkomen habin. Vnd darumb so habin och wir vorbenempten grauen von Werdenberg alle drie ainberlich mit gůtem willen vnbetwungenlich vnd mit gůter vorbetrahtung den selben v´nsren o^ehemen von Toggenburg vnd allen iren erben die obgenanten vierhundert pfund pfenning an vnser vnd an v´nsrer erben stat in rehter vnd redlicher pfandes wis geschlagen vff das obgenant pfant die vesty Rúdberg lút vnd gůt, was darzů ho^ert, das da vorbenempt ist, mit allen den worten werken vnd geta^eten vnd mit aller kraft, so darzů hort vnd geho^eren mo^eht vnd nottúrftig was nach gewonhait vnd nach reht, also mit dem geding vnd mit der beschaidenhait, das die selben v´nser o^ehem von Toggenburg vnd alle ir erben, ob si enwerin, die selben vesty Rúdberg, die vogthyen lút vnd gůt, was darzů ho^ert, ze ainem rehten redlichen werenden pfand geru^eweklich vnd fridlich haben vnd niessen vnd besitzen sont als ir aigenlich gůt in aller der wis, als si vntz her ir pfant gewesen sint vmb dú zwelfhundert pfund, vnd och als lang vnd och alle die wile wir noch v´nser erben, ob wir enwerin, die selben vesty Rúdberg, die vogthyen lút vnd gu^eter nit von inen widerlo^esent mit sehtzehenhundert pfunden pfenningen gůter vnd gena^emer Costentzer mv´ns, die wir inen sament vnd mit anander geben so^ellin, so wir lo^esen wellin, vnd die wir inen och a^entwúrten sont in der wis vnd ze den ziln, als der obgenant brief bewiset, der vmb dú zwelfhundert pfund verschriben ist, sunderlich mit dem geding vnd mit so^elichen rehten, wenne vnd weles jares wir oder v´nser erben, ob wir enwerin, die widerlosung mit den sehtzehenhundert pfunden gůter pfenningen Costentzer mv´ns vollefu^erin vor sant Johans tag des Toffers, so sol v´ns vnd v´nsren erben dú obgenant vesty Rúdberg, die vogthyen lút vnd gu^eter mit allem reht ledig sin, wenne vnd weles jares wir aber die widerlosung vollefu^erin mit dem selben gůt nach sant Johans tag des Tôffers, so sol den selben v´nsren o^ehernrnen von Toggenburg vnd iren erben, ob si enwerin, doch der na^ehst nutz, der des selben jares von der obgenanten vesty vogthyen lúten vnd gu^etern geuallet vnd geuallen mag, werden vnd beliben, vnd sont v´ns danne aber da mit dú obgenant vesti vogthyen lút vnd gu^eter dannanhin mit allem reht ledig sin. Doch habin wir angesehen die gu^etlichi vnd die frúntschaft, die si v´ns ietz mit den obgenanten vierhundert pfunden, die si v´ns gelihen hant, erzaigt hant, vnd sigin och mit rehtem geding mit inen v´berainkomen, das wir noch v´nser erben, ob wir enwerin, die selben vesti Rúdberg, die vogthyen lút vnd gu^eter nit von inen noch von iren erben ledgen noch lo^esen so^elin inwendig vier gantzen jarn den na^ehsten, dú nahanander kúnftig sint von disem húttigen tag, als dirr brief geben ist, darnach so habin wir vnd v´nser erben sta^etklich das reht vnd den vollen gewalt, die obgenanten vesty vogthyen lút vnd gu^eter wider von inen ze lo^esend, wenne vnd weles jares wir went vnd so es v´ns allerbest fu^eget, mit den obgenanten sehtzehenhundert pfunden gůter pfenningen Costentzer mv´ns, mit den gedingen vnd rehten, als vorgeschriben stat. Wir die selben drie grauen von Werdenberg habin och den obgenanten v´nsren o^ehemmen von Toggenburg mit gůten trúwen verhaissen vnd gelobt, wa^er das inen die selben vesti Rúdberg, die vogthyen lút ald gůt gar ald an dekainem tail nv ald hernach lernen anspra^ech ald si daran bekrankti ald beswarti von der obgenanten vierhundert pfund wegen, die wir inen ietz daruff geschlagen habin, als vor ist beschaiden, ist das si v´ns das kunt tůnt ze hus ald ze hof ald vnder ogen, so so^elin wir vnd v´nser erben si vnd ir erben darumb verstan vnd versprechen ane allen iren schaden fúrst des males vnd des tages, das es v´ns verkúndet wirt, an gaischlichem vnd an weltlichem^b) geriht, ane alle geuerde. Ta^etin wir des nit, ka^emint si danne des darúber ze dekainem schaden, den schaden so^elin wir inen vssrihten gar vnd gentzlich. Vnd ze warem vnd offem vrkúnd vnd sta^eter sicherhait aller dirr vorgeschriben ding habin wir die vorgenanten graf Albreht von Werdenberg der elter, graf Albreht^c) von Werdenberg sin sun vnd des sun graf Hug von Werdenberg fúr v´ns vnd alle v´nser erben v´nsrú insigel gehenkt an disen brief. Der ist ze Costentz geben, do man von Cristes gebúrt zalt drúzehenhundert jar, darnach in dem vier vnd sehtzigosten jar, an sant Georyen abent.

Source Fulltext: Chartularium Sangallense VIII, Nr. 4930, S. 126-127.