Wilh. dei gratia abbas monasterii sancti Galli¹ omnibus intuentibus presens scriptum salutem in domino et noticiam subscriptorum. || [Ex]pedit^a) gesta rerum litterarum commendare memoriis, ne oblivionis caligine obfuscentur. Notum igitur fieri cupi||[mu]s^a) universis, quod cum inter nos ex una ac Albertum de Vrinchon² super possessione quorundam hominum, videlicet Adelh. || [di]cte^a) Betschenerin, Johannis eiusdem filii, Adelh. et Gerdrudis ipsius sororibus, quedam controversia et questio [verteretu]r^b), per compositionem amicabilem diffinitiva determinatio huiusmodi intervenit, quod idem Albertus receptis ab eisdem [hominibu]s^c) sex libris denariorum iuri suo ac omni proprietate^d) sibi in dictis hominibus, si quod sibi quomodolibet competere videbatur, [renunciavit]^a), resignando ipsos ad manus nostras, ipsosque absolutos libere tradidit nobis nostroque monasterio ac donavit, [ea ratione, ut]^e) memoratorum hominum quilibet pro tempore vite sue singulis annis unum fertonem piperis in recognicionem [. . .]e^f) ac nomine census nostre abbatie assignare debent, quod in se voluntarie statuerunt, ac post eorundem dece[ssu]m^a) unicuique in hereditatibus, mortuariis aliisque quibuscumque iuribus debemus succedere, quemadmodum ius et consuetudo circa alios nostri monasterii homines inviolabiliter approbata exigit et requirit, adhibitis in hiis sollempnitatibus iuris, verborum et gestuum debitis et consuetis. Ne autem premissorum aliquid possit aliqualiter irritari, renunciavit dictus Albertus exceptionibus doli mali, non numerate pecunie, non tradite, non solute, beneficio restitutionis in integrum, deceptionis ultra dimidiam iusti precii ac generaliter et in specie omnibus, per que premissorum aliquid violari posset [se]u^a) etiam impediri. Et in horum evidentiam sigillum nostrum duximus present(ibus) appendendum. Ego Albertus prenotatus confiteor [om]nia^a) et singula premissa, prout notata sunt, fore vera, et in evidentiam eorundem sigillum proprium duxi present(ibus) [a]ppendendum^a). Dat. apud sanctum Gallum, anno domini M°.CC°.XC°IX°. XIII. kl. febr. indict. XII^a. presentibus domino V^olr. dicto Giel³, domino Eber. de Bichelnse⁴, domino Egel. de Rosinberch⁵, Chv^onr. ministro oppidi sancti Galli⁶, Johanne Dispensatore⁷, Gerwico Bawaro⁸, R. Sculteto et aliis quampluribus testibus fide dignis ad hec vocatis et rogatis.

Source Fulltext: Chartularium Sangallense IV, Nr. 2473, S. 533-534.