Omnibus presentium inspectoribus Wil. dei gratia abbas monasterii sancti Galli¹ necnon V^olr. comes de Monteforti² noticiam subscriptorum. || Confitemur presentibus publice protestando, Merie Judee de Lindaugia³ in triginta marcis argenti puri et legalis ponderis Lin||daug(iensis) nos teneri, pro quibus eidem Judee constituimus fideiussores infrascriptos, videlicet V^olr. Wiman, Hermannum Sender, V^olr. Rienoldum, || Alber. Strubin, Karolum^a) Gaizzorn, V^olr. Rasorem cives Lindaug(ienses) et dictum Hilfilin de Brigantia⁴ ita si eandem pecuniam in festo beati Viti proximo venture non persolverimus, extunc ipsi fideiussores data fide nomine iuramenti^b) se apud Lindaugiam super nostrum dampnum ammonitione premissa tenentur recipere in obstagium, inde non recessuri, quousque predicte Judee tam de XXX^a maris^c) predictis quam de usura, que a proximo festo beati Viti transacto^d) sex denariis singulis septimanis de qualibet marca computatis fideiussoribus predictis in obstagio sive non commorantibus accreverit, per nos fuerit plenarie satisfactum. Insuper si aliquem predictorum fideiussorum de medio revellet interitus, alium ydoneum infra mensem constituere tenemur, quod si non fecerimus, reliqui se recipiant in obstagium, donec alium in vicem illius locaverimus, penitus sine dolo, hoc etiam adiecto, quod si aliquis predictorum fideiussorum in alio obstagio ante ammonitionem fuerit occupatus, alium equivalentem loco sui subrogare tenetur ex legittima pactione. In huius rei testimonium presens instrumentum sigillorum nostrorum munimine memorate Judee dedimus communitum. Dat. anno domini M°.CC°.LXXXVI°. V kal. octobris, indic. XV.

Source Fulltext: Chartularium Sangallense IV, Nr. 2165, S. 304.