Allen dien, die disen brief an sehent alder ho^erent lesen, kunde ich herre Johans von Scho^enenberg¹ || ritter, das ich lieplich vnd gu^etlich beriht bin mit minem herren abt Hainrieh des goteshuses || ze sant Gallen², als hie nach gescriben ist, daz er mir für alle die anesprâch, die ich hette || zu dem vor genemten goteshûs vmbe die giselschaft, hinder der ich was von minem herren abt Wilhelm sa^elingen³, vnd vmbe alle die anesprach, die ich hette aide gehaben mäht an daz vor gesprochen goteshus vmbe de hainer slahte sache, nun march silbers gegeben hat, die ich enphangen han, als ich vergihe an disem brief. Vnd das disu rihtung war sige vnd sta^ete belibe, dar vmbe so gibe ich disen brief minem vor genemten herren abt Hainrich besigelt mit minem insigel. Dirre brief wart gescriben vnd gegeben in sant Gallen stat, des iares, do man zalte von gotis geburte druzehenhundert vnd siben jar, an dem driten zinstag in dem redemanet.

Source Fulltext: Chartularium Sangallense V, Nr. 2670, S. 126.