Ich Wernher Vnderschopf statamman ze Kostentz¹ tůn kunt allen, die disen brief || ansehent oder ho^erent lesen, das Ha^emerli der waibel von Appatzelle² fúr mich || kam fúr offen gericht vnd clegt mit fúrsprechen ze V^olrichen von Ainwile³ || an mins herren des abbtes stat von sant Gallen vnd sprach, der selb V^olrich horti an sant Gallen goteshus, vnd batt zů im gerichts vmb dienst an mins herren des abbtes statt, des antwurt im der selb V^olrich mit fúrsprechen vnd was vnlo^vgenhafft, er hôrti an das gotteshus gen sant Gallen, do wart ertailt mit rechtgesamnoter vrtailt, das der selb V^olrich von Ainwile dem vorgenanten waibel an mins vorgedachten herren des abbtes statt von sant Gallen vor gericht mit zwain hentschůhen dienoti, das tet och der selb V^olrich vnd dienot vor gericht dem vorgenanten waibel an mins obgenanten herren des abbtes statt, als im mit vrtailt ertailt wart. Vnd dez ze ainer warhait gib ich nach vrtailt min insigel an disen brief, der ist ze Kostentz geben, do man von Cristes gebz|rt zalt drútzehen hundert jar, dar nach in dem aim vnd viertzgosten jar, an sant Lucien abende.

Source Fulltext: Chartularium Sangallense VI, Nr. 3796, S. 368.