In nomine domini amen. Universis presentes litteras inspecturis Wilhelmus^a) dei gratia abbas¹ totusque conventus monasterii sancti Galli ordinis sancti Benedicti Const(antiensis) dyocesis noticiam subscriptorum. Noverint igitur universi, ad quos pre||sentes pervenerint, quod cum monasterium nostrum gravibus esset depressum oneribus debitorum, propter que eidem maxima dampna et expense inevitabiles obsidum usurarum et aliarum accessionum imminebant^b), nec dictum monasterium || haberet in bonis mobilibus, unde sibi comode^c) consuli et subveniri posset, habuissemusque diligentem sepius traetatum, que bona immobilia monasterio nostro pro solucione dictorum debitorum et provisione dampnorum et accessionum prescriptarum || magis alienare expediret, tandem communis et unanimis nostra deliberacio in hoc resedit, ut curia nostra in villa Kilchzarten² Const(antiensis) dyocesis vendicioni exponeretur^d). Cumque dicta curia^e) publice fuisset vendicioni exposita cum suis pertineneiis nec appareret, qui plus offerret centum viginti marcis, nos dictus abbas et conventus totus et singuli de conventu insimul unanimi consilio et interveniente consensu et auctoritate omnium, qui in alienacione rerum monasterii nostri soliti sunt requiri, proprietatem et dominium directum curie memorate convencionali, que vulgariter dicitur dinghof^f), site in villa Kilchzarten Const(antiensis) dyocesis cum omnibus attineneiis suis, hominibus propriis, colonis, ascripticiis, originariis, libertis et libertinis seu quacumque condicione vel modo dicte curie seu monasterio nostro ratione eiusdem curie attinerent, ortis, agris, vineis, pratis, pascuis, nemoribus, arboribus, virgultis, piscariis, aquis aquarumque decursibus, venacionibus, terris cultis et incultis, prediis rusticis vel urbanis, edificiis omnibus, accessibus quoque et egressibus suis, iurisdictionibus, bannis, actionibus, requisicionibus, usibus, servitutibus, halbergariis, censibus et omnibus iuribus corporalibus et incorporalibus ac universis et singulis, que simul habent vel quelibet earum habet supra vel^g) infra^h) seu intra se, vel que curie predicte seu rebus predictis aut monasterio nostro ratione dietarum rerum et curie competebant vel competere debebant seu poterant in futurum, dedimus, vendidimus et tradidimus perpetuo iure fratri Gotboldo de Blv^omenbergⁱ⁾ commendatori domus hospitalis sancti Johannis Jherosolimitani in Friburg³ Const(antiensis) dyocesis pro se fratribusque dicte domus et eorum successoribus ementi et reeipienti pro precio centum viginti quinque marcarum argenti legalis ad habendum, tenendum, possidendum et quidquid eisdem . . commendatori^k) et fratribus eorumque successoribus deinceps placuerit faciendum, hoc salvo, quod predicta curia cum iuribus et pertinentiis suis, iure patronatus ecclesie in Kilchzarten excepto, in enphiteosim^l) et iure hereditario domino Jacobo de Valkenstein^m)4 ex parte monasterii nostri quoad utile dominium fuit concessa pro annua pensione septem librarum monete Friburgensis solvendarum singulis annis in festo nativitatisⁿ⁾⁵ beati Johannis Baptiste et totidem pro renovacione seu honorario, quod vulgariter dicitur erschaz^o), et de mortuario emphiteote, qui pro tempore fuerit, quod vulgariter dicitur val, illud quod iure vel consuetudine^p) debet dari cum halbergariis seu hospiciis actenus^q) monasterio nostro ex convencione vel consuetudine^p) seu quavis alia causa debitis. Quam concessionem volumus valere, quantum valere debet, et predictos . . commendatorem^k) et fratres recipere pensionem, honorarium, hospicium seu halbergarias et mortuarium predictas emphiteosimque ratam habere, prout de iure debebunt. Item confitemur et contenti sumus per presentes, nos dictas CXXV^r) marcas a predictis . . commendatore^k) et fratribus seu ex parte ipsorum recepisse, habuisse ac integre solutas, datas ad exhoneracionem^s) supradictorum debitorum monasterii nostri fuisse, exceptioni non dati, non numerati, non soluti precii et in utilitatem monasterii nostri non conversi omnino renunciantes. Insuper ius patronatus ecclesie in Kilchzarten, et si qua alia sunt spiritualibus annexa seu etiam mere spiritualia, que monasterio nostro seu nobis competebant ratione universitatis et attinentie sepedicte curie, donavimus^t), cessimus et tradidimus libere ac integraliter predicto . . commendatori^k) pro se suisque fratribus et eorum successoribus recipienti et cum dicta universitate, ad quam totaliter pertinebant, illa transtulimus in eosdem, recognoscentes ipsos ius in eis ratione dicte universitatis nostreque donacionis, cessionis et traditionis de cetera habere, et promittimus eisdem predictas res et iura venditas, datas, cessas et traditas habere licere, dolum malum abesse ab futurumque esse. Quas siquidem res et iura constituimus nos eorum nomine possidere et quasi possidere, donec ipsarum rerum et iurium possessionem et quasi acceperint corporalem, quam accipiendi eorum auctoritate deinceps et retinendi eis licenciam omnimodam donavimus. Item promisimus nos dictus abbas ac singuli et universi de conventu monasterii prefati fide data per quemlibet nostrum dicto . . commendatori^k) pro se suisque fratribus et eorum successoribus recipienti et stipulanti litem seu controversiam eis de dictis^u) rebus vel iuribus seu aliqua earum parte nullo tempore inferre vel inferenti consentire, sed ipsas res et iura predicta vel quamlibet earum eis eorumque successoribus tam in proprietate quam possessione civili ab omni persona et universitate legittime^v) defendere, autorizare^w) et expedire vacuamque possessionem predictorum eis tradere^x) et ipsos in possessione civili facere pociores. Quam siquidem vendicionem, cessionem, donacionem et tradicionem ac omnia et singula suprascripta promisimus pro nobis nostrisque successoribus dicto . . commendatori^k) pro se et suis fratribus eorumque successoribus recipienti et stipulanti perpetuo firma, grata et rata tenere, observare et implere^y) nec contra facere vel venire per nos, alium vel alios aliqua ratione, causa vel ingenio, de iure vel de facto, sub pena ducentarum marcarum stipulacione pro singulis capitulis huius contractus insolidum promissa, nomine interesse, quod ab eisdem . . commendatore^k) et fratribus de consensu nostro et recognicione in tanto est estimatum. Que pena seu interesse tociens committatur et exigi possit in singulis capitulis, quociens ex parte nostra contra factum fuerit seu de nostro consensu. Qua etiam soluta vel non, rata^z) maneant omnia et singula suprascripta. Ad hec renunciamus omni actioni, excepcioni facti seu iuris scripti vel non scripti, privilegiis et aliis litteris omnibus impetratis^aa) vel impetrandis^aa), beneficio restitucionis in integrum et omnibus legibus, canonibus, constitucionibus seu consuetudinibus^p), in quibus cavetur de rebus ecclesiarum non alienandis, et etiam si qua privilegia super hoc monasterio nostro essent specialiter tradita seu concessa, et omnibus aliis iuribus, in quibus cavetur, quod generalis renunciatio non valet, nisi de eis fiat specialis mencio, necnon omni alio auxilio, quibus premissa possent anullari vel aliqualiter infringi seu quibus contra premissa possemus aliquatenus iuvari, promittentes fide data corporaliter per quemlibet nostrum, quod dictis iuribus, privilegiis, beneficiis et aliis auxiliis supra renunciatis contra dictum . . commendatorem^k) et fratres eorumque successores ac contractum supradictum numquam utemur nec utenti consentiemus. Acta sunt hec in monasterio nostro, anno domini M°CC° XC°VII°. indic.^ab) X^a. XIII^a. die exeunte aprili, presentibus fratre Heinrico^ac) de Liehtensteige^ad) commendatore in Tobel⁶, fratre Burcardo^ae) de Lo^enegge⁷ de ordine hospitalis supradicti, domino Walthero^af) Lestino rectore in Heriso^vwe^ag)8, magistro Heinrico^ac) et magistro Johanne de sancto Gallo, Lvtoldo^ah) de Griessenberg⁹, Hilteboldo de Werstein¹⁰, Egelolfo^ai) de Rosenberg seniore¹¹, Cv^onrado^ak) ministro civitatis sancti Galli¹², Rv^odolfo^al) Dispensatore¹³ et Cv^onrado^am) camerario dicti domini . . abbatis^k) et aliis pluribus personis fidedignis testibus ad hoc vocatis et rogatis. In cuius rei testimonium nos predictus abbas et conventus monasterii suprascripti^an) sigilla nostra ad perpetuum robur presentibus duximus appendenda. Insuper^ao) ego Rv^omo¹⁴ sacerdos monasterii prefati scribere non valens nec sciens per dominum Walt. dictum^ap) Lesti presentibus subscribsi^aq) in signum consensus. Item ego H. prepositus¹⁵ monasterii prefati scribere nesciens per dominum C. viceplebanum de^ar) Huntwille¹⁶ in signum consensus presentibus subscripsi. Item ego H. portenarius¹⁷ monasterii prefati scribere nesciens per Petrum de Seldon¹⁸ presentibus^as) in signum consensus subscripsi. Item ego Hiltheboldus^at) custos¹⁹ monasterii prefati in signum consensus presentibus propria manu subscripsi. Item ego V^ol. kamerarius^au) monasterii prefati^ax) scribere nesciens per Bernoldum de sancto Gallo presentibus in signum consensus subscripsi. Item ego Jo.^aw) de Guttingen^ax)21 subdiaconus^ay) monasterii prefati scribere nesciens^az) per H. de Thaningen^ba)22 in signum consensus presentibus subscripsi.

Source Fulltext: Chartularium Sangallense IV, Nr. 2423, S. 486-489.