Allen, die disen brief ansehent, lesent oder ho^erent lesen, tůn ich Beringer von der hohun Landenberg¹ ritter kunt vnd vergihe offenlich [an]^a) || disem brieue fur mich vnd fur alle min erben, das ich mit bedahtem můte vnd mit gůter beschaidenhait willeklich gesworn han ainen gelêrten aid z[e]^a) || den hailgen dem êrwirdigen minem gna^edigen herren von gottes gnaden abt Herman des gotzhus ze sante Gallen², das ich schaffan sol an allen furzug, swenne || er es an mich vordret ald in dunket, das es im nôtdúrftig ist, das min sun Beringer im die kilchun ze Kilchberg³ vf gît ân allen vfzug. Vnd des ze ainem wâren vrkúnd vnd sta^eter sicherhait henk ich min insigel an disen brief. Der geben ward, do man zalt von gottes geburt drúzehenhundert jâr, darnah in dem núnvnddrissegosten jâr, an dem naihsten maintag vor sant Gregorien tage.

Source Fulltext: Chartularium Sangallense VI, Nr. 3707, S. 295.