Wir bischof Empcho von gottes genaden ze Vrisingen¹ tv^en kvnt allen den, die disen brief sehent oder ho^erent lesen, de her Herman von Landenberg marschalch² fvr vns kam vnd offent stete ze haben mit gantzen trvwen die phantnvnge, dv ze sinen wegen vnd siner svne wegen geschehen ist, als dirre brief, der hie nach geschriben stat, offent, vnd hat o^vch der vorgenant II her Herman vor vns gesworn ze den heiligen, die vor genanden phandvnge stet ze haben mit allen den gedingen, als der brief geschriben stat. Dis ist aber der brief:||
Es folgt der Text von Nr. 2496.||
Dirre brief ward gelesen vor vns bischof Empchen vnd swuor o^vch der vorgenande her Herman ze dem selben male ze Vlme in der Barfv^ossen vmgange³ in dem iare, do man von gottes gebvrt zalte zwelfhvndert vnd nvtzeg iar vnd darnach in dem zehenden iare an vnser vrowen abent zer liechtmes, do indict. wc dv dricehende, da zegegene waren grave Herman von Svltz⁴, grave Hvg von Mvntfort vnd sin svn grave Wilnheln⁵, her Heinrich der marschalch von Bappenhein⁶, her Marchward von Schellenberg⁷ ritter.||
Wir bischof Empcho von Vrisingen dvr die bette hern Hermans von Landen||
berg zeinem offen vrkvnde de hie vor geschriben ist henken vnser ingesigel an disen brief, in die vorgenanten stat jar tag vnd indict.||
Ich her Herman von Landenberg marschalch vergich offenlich an disem brieve swe da vor geschriben ist, de de geschehen ist, als da vor geschriben stat, vnd han gesworn ze den heiligen stet zehanne, als der brief geschriben stat, vnd henke min ingesigel an disen brief zeinem offen vrkvnde, in dien stat jar tag vnd indict.

Source Fulltext: Chartularium Sangallense V, Nr. 2497, S. 8.