Der erwirdigen v´nser gna^edigen frôwen fro Angnesen von Wolfurt abtissenne des gotzhus || ze Lindôwe¹ enb(ieten) wir Růdolf vnd Hainrich die Bader gebrůder burger ze Costentz v´nsern || willigen dienst vnd sendent v´ch vff an v´wer hant bi Berchtolt dem Goltsmid burger ze || Lindôwe v´nsern wingarten, der ze Bernang² in dem Rintal an dem Ku^ebach³ gelegen ist, vnd den wingarten darob, den man nempt der Bader, die wir von v´ch vnd v´werem gotzhus ze lehen habin, vnd bittent v´wer gnad mit ernst, das ir die selben wingarten mit aller zůgeho^erd lihen wellint dem beschaiden manne Albrecht dem Blarrer burger ze Costentz ze rechtem lehen. Vnd des ze vrkv´nd gebin wir baid v´nsrv´ insigel an ||
disen brief. Der ist ze Costentz geben, do man von Cristes gebúrt zalt drúzehenhvndert jar, darnach in dem nv´n vnd sehtzigosten jar, an sant Ambrosyen abende.

Source Fulltext: Chartularium Sangallense VIII, Nr. 5168, S. 335-336.