Wir der burgermaister der amman der rât vnd alle burger gemainlich der stat ze Lindôw¹ tůnd kunt vnd veriehent || offenlich mit disem brief, daz wir mit dem erwirdigen fúrsten v´nserm gna^edigen herren Cůnen abt dez gotzhus ze sant || Gallen² v´berain komen sint, daz wir in ze burger enpfangen hant, daz er v´nser burger sin sol fúnf jar die na^ehsten || nah enander nach dem tag, alz dirr brief geben ist, mit solich[er]^a) bedingde, daz er v´ns ellú jar ze sant Martis tag ze stúr geben [v]nd^a) richten sol sehzig guldin, die gůt sint an [d]em^a) gold vnd swa^er an der gewiht, vnd was sto^ez v´ns angat, es si von v´nser selbs wegen oder von v´nser aitgenoz wegen, darinne sol er v´ns beholfen sin, es si mit raisent oder mit andren diensten, alz wir in denne anlegent, ân alle geuerd, vssgenômen die herschaft von O^estenrich. Wir so^ellint im och beholfen sin vngeuarlich gen aller mainglich als ainem andern v´nserm burger ze dem rehten. Wa^er och, daz in ieman anspra^ech, dem sol er rehtz gehorsam sin vor v´nserm râte hie ze Lindôw vngeuarlich alz ain ander v´nser burger. Es ist ôch berett, wa^er daz im burgerreht nit fůgti, daz mag er v´ns wol absagen, wenn er wil, mit semlichem gedingde, waz stúran sich denne niht ergangen hettint vnd er nit geben hetti, die sol er v´ns denne och gentzlich vsrichten vnd geben inrent den na^ehsten zwain manoden, die aller schierost koment nah dem absagent, ob er es absaiti. Wa^er och, daz der selb vorgenant v´nser herre abt Cůn von todez wegen abgieng vnd sturbi vor dem na^ehsten sant Martis tag, oder welhz iars nah dem selben na^ehsten sant Martis tag er ab gieng vnd sturbi, daz got lang wend, so sol v´ns darnah die nehst stúr von dem jar, als er denne abgangen ist, vff den na^ehsten sant Martis tag nâh sinem tode veruallen sin. Vnd dez allez ze offem vnd warem vrkúnd vnd sta^eten sicherhait geben wir dem vorgenanten v´nserm herren abt Cůnen disen brief darúber besta^et vnd besigelt mit v´nser stat ze Lindow gemainem insigel dem mindern. Dis geschâh vnd ist dirr brief geben an dem nehsten zinstag nah sant Jacobs tag nah Cristus gebúrt drúzehenhundert jar, darnah in dem nún vnd sibentzigosten jar.

Source Fulltext: Chartularium Sangallense IX, Nr. 5732, S. 399.