Wir graue Friderich von Toggenburg¹ kúnden vnd vergehin offenlich an disem || brief, das wir durh bette willen des vesten ritters her Johansen von Twingenstains² || den zehenden ze der Altenstat bi Veltkilch³, der von v´ns lehen ist, verlihen habint vnd || verlihind mit disem brief Annen Johansen Hanen tohter wilent elichen Wirtinnen V^olis Litschers sa^eligen mit allen rehten, als wir den selben zehenden verlihen mugint vnd so^ellind. Des ze vrkúnd henkint wir obgenanter graf Fridrich von Toggenburg v´nser insigel an disen brief. Der geben ward ze Maigenueld⁴, do man zalt von Cristes gebúrt drúzehenhundert iar vnd drú vnd sehtzig jar, an sant Marien Magdalenen abent.

Source Fulltext: Chartularium Sangallense VIII, Nr. 4889, S. 96.