H. dei gratia abbas¹ monasterii sancti Galli totumque capitulum seu conventus eiusdem monasterii omnibus presentium inspectoribus salutem cum notitia subscriptorum. Cum longinquitas temporis oblivionem II inducat oblivioque omissionem rerum et possessionum causetur, ad perpetuam rei geste memoriam expedit, ea, que aguntur, scripturarum testimoniis perhennari. Hinc est, quod universis || et singulis notum facimus per presentes, quod iuxta sollempnitatem iuris, tractatu inter nos prehabito diligenti, considerato et inspecto, quod discretus vir Hainricus dictus || Blarrer civis sancti Galli in fulla vulgariter dicta der walchun superiore, quam construxit quondam V^olr. dictus Ann, que sita est iuxta rivum dictum Staina², prope viam, per quam itur cum reliquiis sanctorum ad ecclesiam sancte Fidis³ in prima die Rogationum, ius habet ex eo, quod quondam bone memorie Bertholdus dei gratia abbas⁴ nostri monasterii predicti ad preces et conniventiam universitatis civium eiusdem loci sancti Galli in communem utilitatem eiusdem universitatis predicto quondam V^olr. dicto Ann, ab eo et in quos ipse eam donationis vel emptionis tytulo possidendam et tenendam transferret, eandem fullam seu walchun concesserat, ita quod de quatuor pannis semper pro qualibet vice et quolibet actu lotionis eorundem pannorum unus tantum denarius detur, a quo predicto V^olr. dicto Ann suisque sequatibus, novissime autem ex venditione sibi facta a Johanne dicto Blarrer et matre sua Sygina filia quondam Hainr. dicti Boler sepe fatus H. dictus Blarrer ius habet et causam sue possessionis sive possidendi walcham eandem, considerato etiam, quod idem Hainr. ex divisione nuper inter eum ex unâ et.. provisores hospitalis pauperum sancti Galli⁵ necnon leprosorum, qui sunt extra muros sancti Galli in loco dicto Linsinbo^el⁶, ex parte altera facta ius habet in ipsa walcha, eo quod ex divisione predicta sibi eadem walcha et predictis pauperibus et infirmis seu leprosis communiter alia walcha, que inferior est, cessit, considerato etiam et inspecto, quod idem H. fulle predicte stopam unam nobis singulis annis pro anniversario matris sue quondam Elisabete,||
quamdiu ipse Hainr. vivat, post mortem vero suam pro suo anniversario celebrando necnon in signum dominii nostri solutionem census videlicet unius fertonis cere in festo beati Galli nobis nostroque monasterio imposuit annis singulis exsolvendas, considerato etiam et inspecto, quod idem Hainr. dictus Blarrer urgente nos ad presens onere debitorum nobis in sublevationem eiusdem oneris dedit et assignavit quinque marchas argenti, quas in numerata peccunia recepisse et in usus monasteni nostri fore conversas nos presentibus confitemur, considerato etiam et inspecto bono communi et publica utilitate civium et universitatis hominum opidi sancti Galli, in eo videlicet, quod amplior et maior de cetera non potest fieri exactio precii, nisi quod unus tantum, ut supra dictum est, pro quatuor pannis lavandis semper pro qualibet vice lotionis denarius exsolvatur, et quod lites et anfractus litium, qui hactenus fuerant super walcha eadem, penitus amputentur, concordi et unanimi nostro consensu, considerantes hoc nobis et nostro monasterio ac opido nostro sancti Galli predicto non modicum expedire, eandem walcham cum vallis et fossatis suis, aquis aquarumque decursibus et aliis suis attinentiis predicto Hainr. dicto Blarrer, ab eo suisque heredibus necnon aliis personis, in quas ipse vel heredes sui donationis, venditionis vel cuiuscumque alienationis tytulo eam^b) transferre voluerint, sub prestatione et solutione cere et stope predicte perpetuo possidendam et tenendam concedimus, donamus et tradimus necnon concessisse, donasse et tradidisse nos presentibus confitemur, sub forma et modo predicto, ut pro qualibet vice lotionis quatuor pannorum unus denarius pro precio et tociens unus, quociens dicta lotio facta fuerit, et non amplius exigatur, promittentes sibi in premissis, ad hoc nos nostrumque monasterium asstringendo, warandiam et evictionem quamlibet necnon omnem defensionem iuris et facti, quam facere poterimus, si forte, quod absit, circa walcham eandem in iure suo et in possessione sua ab aliquibus fuerit perturbatus, promittentes contra hec non venire verbo vel facto et nos ratos et gratos habituros omnia supradicta, renuntiantes insuper beneficio restitutionis in integrum ac omni iuris auxilio, per quod premissa possint infringi vel aliqualiter infirmari. In cuius rei evidens testimonium sigilla nostra duximus presentibus apponenda. Dat. et act. apud sanctum Gallum, anno domini M°.CCC°. VIII°. III°. kl. iulii, indic. VI^a. Presentibus domino Rumone preposito Augie maioris⁷, domino Walthero dicto Lesti sacerdote, Cůnrado sacerdote dicto Roten, domino V^olrico de Gůtinburg⁸ milite, magistro H. de sancto Gallo, Lutoldo pincerna de Landeg⁹, V^olr. dicto Giel¹⁰, C. de Lutirberg¹¹, V^olr. cellerario de A^elgo¹² et aliis quam pluribus fide dignis. Ego^c) Hainricus dictus Blarrer civis sancti Galli omnia suprascripta recognosco ita fore peracta et ad ratiabicionem me meosque heredes ac alias personas, in quas eandem walcham transferri contigerit, per nos asstringo et in signum veritatis presentem litteram ut reversam prefatis dominis meis abbati et conventui monasterii sancti Galli tradidi sigilli mei munimine consignitam.

Source Fulltext: Chartularium Sangallense V, Nr. 2705, S. 152-154.