Ich Burkart von Ramswag¹ kúnd vnd vergich offenlich mit disem brief allen, die in ansehent lesent oder ho^erent lesen, || daz ich mit miner trúw gelopt han, wenn min gena^ediger hêrr abt Geori abt dez gotzhus ze sant Gallen² || ald sin nachkomen, ob er enwa^er, nach dem so ich vss der aht komen bin, darinn ich von hern Hainrichs wegen || von Lochen³ bin, an mich vordrent, daz ich den kelnhof vnd den kilchensatz halben ze Waltkilch⁴ vnd lút vnd gu^eter, so darzů vnd darin geho^erent, dem vorgenemten gotzhus fúrbass vf geb, als ich och vormales getan han, daz ich daz vnuerzogenlich tůn sol, minem vnd miner sún lipding vnscha^edlich. Vnd dez ze ainem waren vrchúnd so han ich min insigel gehenkt an disen brief. Der geben ist ze Wîl⁵ an dem na^ehsten zinstag vor dem zwelften tag nach wienehten in dem jar, do man zalt von gottes gebúrt drúzehen hundert jar vnd darnach in dem zwai vnd sehszigosten jar.

Source Fulltext: Chartularium Sangallense VIII, Nr. 4779, S. 1-2.