Dem erwirdigen gaistlichen fúrsten abbt Gerigen ze sant Gallen² enbiet ich Hans von Molbrechtzhusen³ minen getrúwen dienst || ze allen ziten. Lieber herre, ich bitt v´ch flizzeklich vnd ernstlich von der burk wegen ze Ra^vtzenriet⁴ lút vnd gůt vnd waz dar || zů geho^ert, ez sigint kirchen oder kirchensa^etz, aygen oder lehen, vogtlút oder aygen lút, wie die selben lúte vnd gůt denn genempt || vnd gehaissen sint vnd von v´ch vnd von w´erm gotzhus ze lehen sint, daz ich ze rechtem lehen von v´ch han gehept, daz ir die selben burk ze Ra^vtzenriet lút vnd gůt vnd waz darzů geho^ert von mir uff nemend an w´er hand, wan ich v´ch daz selb lehen uff send bi Hansen dem Súrigen⁵, den man [. . .]en^a), vnd daz ir die selben burk ze Ra^vtzenriet lút vnd gůt vnd waz darzů geho^ert, wie daz benempt [. . .]^b) von Stegun⁶ miner swester sun, wan ich dem daz selb lehen mit aller siner zůgeho^erde [. . .]^c) an in [. . .]^d) wise, als ich daz von v´ch ze lehen gehept vnd besessen han. Vnd dez ze vrkúnde ainer w[. . .]orgescriben^e) dinge so henk ich obgen(anter) Hans von Molbrechzhusen min aygen insigel an disen brieff. Darzů han i[. . .]en^f) Cůntzen von Graben⁷ vnd V^elin Humpiss min o^ehem, dz si irú insigel ze ainer zúknúst och hand gehenkt an disen brieff. Wir die vorgen(anten) Cůntz von Graben vnd V^eli Humpiss henkint v´nserú aygenú insigel an disen brieff v´ns selber a^vn schaden durch flizziger bet dez obgen(anten) Hansen von Molbrechzhusen v´nsers o^ehems ze ainer zúknúst aller vorgescriben dinge. Geben ze Walsse⁸ an dem na^echsten donstag vor dem zwelfften tag nach Cristus gebúrt drúzehenhundert vnd sechzig jar, dar nach in dem núnden jar.

Source Fulltext: Chartularium Sangallense VIII, Nr. 5161, S. 330-331.