Fridericus secundus divina favente clementia Romanorum rex et semper augustus et rex Sicilie. Presentis || scripti patrocinio ad no[t]it[ia]m^a) presentis evi necnon ad memoriam future posteritatis volumus || pervenire, quod nos ad preces dilecti principis nostri V^olrici abbatis sancti Galli¹ atque ad summam in||stantiam civium nostrorum de Wanga², de consilio quoque et assensu atque conscientia principum, qui sollempni curie nostre apud Vlmam³ interfuerunt, promisimus predicto abbati sueque ecclesie ministerialibus necnon civibus de Wanga, quod nos advocatiam in Wanga ad manus regias perpetuo habebimus et tenebimus, nulli umquam persone seculari sive ecclesiastice˛ aliquomodo alienandam, et si forte aliquo tempore quocumque ingenio a nobis seu ab filio nostro Hainrico inclito rege Sicilie et duce Sweuie˛ sive ab aliquo heredum nostrorum fuerit alienata, id irritum et cassum fore volumus et decernimus. Volumus quoque et perpetuo [o]bservandu[m]^a) statuimus, ne nobis ipsis aut pretaxato filio nostro aut alicui heredu[m nost]rorum^a) licitum sit, ad vocatiam illam ad manus alienas aliquo tempore transferre, sed semper in illius dominio permaneat, qui pro tempore fuerit ecclesie regalis sancti Galli advocatus. Ad huius rei maiorem evidentiam robur atque memoriam hoc scriptum civibus de Wanga indulsimus sigillo maiestatis nostre communitum. Huius rei sunt testes: Chu^onradus Ratisponensis⁴, Sifridus Augustensis⁵ episcopi, Ulricus abbas sancti Galli, Chu^ono Elwacensis abbas⁶, Hartmannus et Lu^odwicus fratres comites de Wirtemberch⁷, Burchardus de Bodeme⁸, Eberhardus dapifer de Tanne⁹, Chu^onradus de Wintersteten¹⁰, Dieto de Rauenburch¹¹ et alii quam plures. Ego^b) Chu^onradus Metensis et Spirensis episcopus¹² imperialis aule cancellarius recognovi.||
Dat. Vlme in curia sollempni, anno domini millesimo CC°. XVI. id. febr. indict. quinta.

Source Fulltext: Chartularium Sangallense III, Nr. 1042, S. 108-109.