In nomine sancte et individue trinitatis. Ego Cv^onr. dei gratia abbas sancti Galli¹ universitati fidelium salutem in perpetuum. Ne labantur || cum tempore, que geruntur in tempore, literarum debent ac testium memorie commendari. Univers[is]^a) igitur in Christo fidelibus presentem paginam in||specturis notum fieri cupimus, qualiter dilectus frater noster L. decanus² villicatum in Mv^ola³ a Rv^odol. milite de Haginvvillar⁴ iter trans||marinum arripiente⁵ pro XX marcis argenti sub hoc pacto coemit, videlicet quod si ipse R. aliquo casu impeditus ad patriam reverti non possit, ipse villicatus ad officium cellerarii imperpetuum pertineat et pro anniversario patris eiusdem R. annuatim celebrando stoupus vini fratribus inde tribuatur, anniversarius etiam patris nostri cum pleno servitio donec ad obitum nostrum inde celebretur, post obitum vero nostrum idem servitium ad nostrum anniversarium perpetualiter celebrandum transferatur. Propter quod etiam constituimus, quod dictus villicatus numquam per nos vel per aliquem nostrum successorem aliquo modo a memorato officio separetur. Si autem prefatus R. redierit, suum debet villic[atum . . .]^b) vixerit possidere⁶, ita tamen, quod nullatenus sibi liceat idem bonum per venditionem vel sub titulo pignoris obligatione vel aliquo modo ab officio cellerarii alienare, nam post ipsius obitum omnia eo modo, quasi si ipse non fuisset reversus, peragi constituimus, nisi heres legitimus scilicet natus proprius sibi succedat. Ad meliorem autem huius facti memoriam et maiorem evidentiam presentem paginam conscribi fecimus et sigilli nostri munimine roborari. Act. apud sanctum Gallvm, anno domini M°.CC°.XX°VII°. indict. XV^a. presentibus hiis: M. priore⁷, B. preposito⁸, G. portanario⁹, E. plebano in Vvaltchilch¹⁰, V. dapifero¹¹, H. de Hardegge¹², R. dispensatore¹³ et quamplurimis aliis.

Source Fulltext: Chartularium Sangallense III, Nr. 1143, S. 155.