+ Universis + Christi fidelibus hanc paginam perspecturis^a) + Cunradus^b) + dei gratia sancti Galli abbas¹ et totus eiusdem ecclesie || conventus geste rei noticiam^c). Nosse volumus universitatem vestram, quod nos omnem decimam tam minorem quam maiorem ecclesie nostre attinentem || in predio, quod nobilis homo + Cunradus^d) + advocatus de Swarzenberc^e)2 monasterio de Salem³ quondam tradidit, sive in Runstal^f)4 sive in Riethain⁵ vel || ubicumque locorum sito, receptis XL^a marcis argenti a venerabili Eberardo^g) abbate de Salem⁶ sub annuo censu hoc est pro dimidia libra cere^h) prefato monasterio perpetuo tradidimus possidendamⁱ⁾. Census autem iste altario^k) beati Galli in festo ipsius persolvetur. Quod si forte per oblivionem vel incuriam solutio census neglecta fuerit, abbas seu cellerarius de Salem ex parte nostri de solvendo censu moneri debet. Si vero post monitionem solutus non fuerit, nos pro censu illo querelam movebimus, nisi forte ex gratia supersedere velimusⁱ⁾. De cultura quoque, quam fratres de Salem in predicto predio propriis exercent laboribus^l), iuxta indulgentiam privilegiorum suorum nullam prorsus decimam exigemus nec villicos nostros exigere permittemus. Actum publice apud sanctum Gallum in palatio^m) abbatis, anno verbi incarnati M°.CC°.XXVIII°. IIII° ydus iulii, presentibus et consentientibus Manegoldo priore⁷, Burchardoⁿ⁾ preposito⁸, Lutholdo^o) decano^p)9, Cunrado de Hvmlincon¹⁰, Hanrico de Horningen¹¹, Cunrado de Hv^eerwen¹², Ernesto de Lapide¹³, O^vlrico de Buwenburc¹⁴ et Gottefrido fratre suo, Hanrico decano de Curia¹⁵, Egelolfo de Waltkilche¹⁶, Waltero de Kilperc¹⁷, Eberardo plebano de Vrvmarrvn¹⁸, Hanrico plebano de Turbatvn¹⁹, Hermanno canonico sancti Magni²⁰, Cunrado Spitzone, Dieterico cellerario de Salem²¹, Bertholdo de Bussenanc²², magistro Friderico²³ aliisque quampluribus. Ut autem in posterum firmitatis robur optineat hec pagina, sigillo domini abbatis et sigillo chori nostri ipsam fecimus communiri^q).

Source Fulltext: Chartularium Sangallense III, Nr. 1153, S. 163-164.