B. decanus¹ et capitulum Constantiensis ecclesie maioris omnibus noticiam rei geste. Que geruntur in tempore, ne simul labantur cum tempore, solent litterarum indiciis confirmari. Notum sit || igitur omnibus presens scriptum inspecturis, quod nos adpeticionem dilecti confratris nostri H. de Rapreswiler² medietatem domus, quam idem H. edificavit super curtile, quod || conparaverat de Hermanno, qui dicitur Escher, et ecclesie nostre ad conmunem prebendam fratrum sub annuo censu contulerat possidendum, videlicet fertone || cere, concessimus A. sorore^a) magistri Eberhardi carpentarii quo ad terminum vite sue, tali conditione facta, ut predicto H. de eadem domo quicquit velit liceat ordinare, ita tamen quod predicta A. medietate sua usque ad obitum suum non privetur, sed nec heredes A. post obitum eius in predicta domo nil iuris penitus obtinebunt. Si autem supervixerit memoratum H., de medietate sua persolvet quinque solidos annuatim, quocumque dictus H. illos decreverit persolvendos. Quod si predictus H. nihil de domo ordinaverit supradicta, post obitum eius et supradicte A. census, qui de domo poterit provenire, ad communem prebendam fratrum in perpetuum ministretur. Acta sunt hec in capella Margarete³, circa primam, in festo Dionisii, anno domini M°.CC°.XL°. indictione terciadecima. Testes autem, qui hec viderant et audierant, sunt hii, videlicet B. decanus, H. de Shcinon⁴, W. de Ramestain⁵, O. prebendarius sancti Cv^onradi⁶, H. sacerdos, Volcnandus diaconus, R. clericus, R. Johilarius laicus. Ut autem hec concessio maneat inconcussa, presentem cedulam sigillo capituli nostri duximus roborandam.

Source Fulltext: Chartularium Sangallense III, Nr. 1282, S. 232.