In nomine sancte et individue trinitatis amen. H. dei gracia Constan(tiensis) ecclesie episcopus¹ universis hanc paginam inspecturis salutem in eo, qui est^a) salus omnium. Suboriri solet gestis hominum multa calumpnia, ubi per robur testium vel scripture successoribus non aufertur occasio litigandi. Presentes igitur noverint et futuri, quod cum reverendi in Christo . . prepositus et decanus cum universitate capituli Constan(tiensis) deffensionem prediorum et possessionum sitarum in Mitelo² in pago Turgo^v cum omnibus illis pertinenciis nobili viro Diethalmo seniori comiti de Toggenburch³ omni consuetudinis verborum et facti cautela adhibita concorditer commiserunt, certam ipsi pro labore deffensionis omni prorsus remota exactione statuentes, quam singulis annis de eisdem bonis consequi debebat pensionem, videlicet duos modios tritici et quatuor avene mensure Constan(tiensis) et quinque solidos denariorum eiusdem monete, quam deffensionem dicto capitulo reclamante memoratus senior in Diethalmum iuniorem⁴ filium suum transtulit, qui procedente tempore Diethalmum et Burch. fratres de Haiteno^vwe⁵ dapiferos suos dicta deffensione contra formam commissionis in preiudicium memorati capituli infeodavit. Quam iniuriam cum aliis gravaminibus et molestiis in dictis possessionibus et illatis sepedictum capitulum in iure proponens et prosequens dictum Diethalmum comitem seniorem ad renunciacionem dicte commissionis et Diethalmum iuniorem, quod dictam alienacionem et infeodacionem factam revocaret, coegit, renunciando libere omni iuri, quod sibi in memoratis possessionibus ex donacione patris seu quocumque modo alio illuc usque competere videbatur, sicut in privilegio super hoc confecto plenius est expressum⁶. Verum procedente tempore . . ^b) prepositus decanus cum universitate capituli sepefati sano prudentum ducti consilio deffensionem dictarum possessionum nobili viro Betholdo^c) de Burgelun⁷ certis adiectis articulis et condicionibus ecclesie possessionibus et hominibus profuturis adiectis nullo reclamante concorditer commiserunt coram nobis, ut videlicet dictus nobilis contentus pensione prenotata pro labore deffensionis statuta nullam exaccionem contra fines et formam commissionis audeat vel debeat in preiudicium possessionum dictarum vel hominum in eisdem residencium casu aliquo exigente exercere vel se noverit a suo iure, quod sibi ex dicta commissione congruebat, omnimodo cecidisse. Ne autem dictus nobilis aliquorum versucia seu malicia, que pro tempore rem gestam non gestam astruit et affirmat, seu propria temeritate seductus dicta commissione abuti valeat seu recidivam suscitet contencionem, speciales articulos, ad quorum observacionem dictus nobilis se libere obligavit, huic privilegio duximus inserendos, videlicet quod tantum ter in anno in dictis bonis in iudicio presideat^d), uno canonicorum vel eorum procuratore, quem ad hoc elegerint, assumpto, et quicquid sibi quocumque modo fuerit adiudicatum ibidem, ipse tercia parte contentus due residue ad usus cedant capituli memorati. Item custodem frugum vel silvarum ibidem non constituat nisi capituli consensu accedente. Item in curia, in qua Walth. residet, nil iuris vendicare presumat. Item in tantum renunciavit omni indebite exaccioni, quod eciam unicum pullum vel anserem exigere vel ibidem stabulare equos nullatenus attemptet nec compellat homines in eisdem possessionibus residentes, ut valles ibidem vel alibi ad usus suos fodiant vel colent vineas seu metant fruges vel tondeant prata. Ad hec si forte ripa transiens intantum inundaverit stratam publicam vel etiam vias privatas fecerit invias, homines in memoratis possessionibus residentes non debet ad structuram eorum plus aliis cohercere. Acta sunt hec in secretario Const(antiensi) dominice incarnacionis M°.CC°.XL°.IIII°. III°. kl. iul. ind. II^a. regentibus nobis Constantiensem kathedram anno episcopatus nostri XII°. Testes autem, qui huic interfuerunt facto, sunt hii Peregrinus maioris Const(antiensis) ecclesie prepositus⁸, Burch. decanus⁹, V^olr. thesaurarius¹⁰, Eberhardus sancti Stephani¹¹ et C. Ymbriacen(sis)¹² prepositi, Otino¹³, Alber. de Bolle¹⁴, Ru^od. de Hasenwiler¹⁵ sacerdotes, H. filius domini Lutfridi¹⁶, Walt. de Rammstein¹⁷, Walt. Dihtelarius¹⁸ canonici, V^ol. nobilis de Clingen¹⁹, H. miles de Burgelon²⁰ et alii quamplures, in domino feliciter amen.

Source Fulltext: Chartularium Sangallense III, Nr. 1343, S. 277-279.