In nomine domini amen. Nos Bertholdus dei gratia sancti Galli abbas¹ universis Christi fidelibus tam presentibus quam futuris || presenti scripto declaramus, quod cum ecclesie nostre clerici, quibus ratione ecclesiarum, quibus presunt, prebende de nostro consueverunt || refectorio ministrari, aliquem in suis prebendis respectu prebendarum fratrum nostri conventus patiantur defectum, || nos communi nostri conventus accedente consensu ob dei omnipotentis et sancte Fiidis^a) dignam reverentiam et honorem necnon pro familiaris ac dilecti clerici nostri Burkardi de Rinegge antiquioris prebende sancte Fidis² prebendarii obsequiis fidelibus et devotis statuimus ac talem ei gratiam seu donationem faciendam decrevimus, ut videlicet Burkardus ipse ad evum suum ac post ipsum omnes successores sui in prebenda memorata sibi succedentes plenariam prebendam in piscibus seu carnibus, que de curia abbatis et de officio cellerarii vel decani tam de novis quam antiquis serviciis solent ministrari, sicut unus de fratribus nostris in claustro recipere debeat sine quolibet detrimento. Et licet nos de liberalitate nostra et bona voluntate tocius conventus nostri monasterii coneurrente gratiam eandem seu donationem ei fecerimus, tamen [. . .se]mper^b) providus erat et circumspectus, volens cavere indempnitati ecclesie nostre omnimodis, bonum dictum an dir [. . .]ti^c) et terciam partem boni dicti in dim Tobile³ XXIIII. solidos annuatim reddentia, que Heinr. [et. . .]s^d) de Scho^enninbv^oel⁴ quondam habuerunt, suis denariis comparavit, offerens illa per manus nostras ad of[ficium c]ellerarii^e) pro recompensatione augmentationis antedicte prebende sue cum omni iure perpetuo attinenda. Ne igitur contra huiusmodi donationem nostram aliquid in posterum, quod absit, in preiudicium B. memorati vel successorum suorum ausu temerario valeat attemptari, nos presentem paginam super hoc facto confici fecimus nostro nostrique capituli sigillo evidentius consignatam. Acta sunt autem hec in monasterio nostro, anno domini MCCXLVI. mense iun. indict. IIII. Presentibus Manegoldo decano⁵, Alberto preposito⁶ universisque confratribus nostris, in presentia clericorum nostrorum V^olrici prebendarii sancte Fidis⁷, Wernheri, V^olrici et Heinrici prebendariorum sancti Leonhardi⁸, Heinrici et V^olrici scolasticorum⁹, Rv^odolfi vicarii sancti Magni¹⁰, Dietrici vicarii sancti Laurentii¹¹, Heinr. et Gerwici presbiterorum, Waltheri plebani in Rorbach¹² et aliorum clericorum nostrorum.

Source Fulltext: Chartularium Sangallense III, Nr. 1369, S. 296-297.