. . abbati sancti Galli¹ Constantiensis diocesis. Ad illorum provisionem potissime promptos esse nos convenit, qui et propriis meritis et devotorum ecclesie precibus adiuvantur. Sane dilectum filium Walterum de Rotemberc² clericum consanguineum tuum tum dono scientie ac nobilitate morum et generis, qua idem clericus pollere dinoscitur, tum etiam obtentu tui et dilecti filii nobilis viri comitis de Habspurc³ devoti nostri nobis pro eo supplicantium cupientes prosequi gratia et favore, mandamus, quatinus eidem clerico in ecclesiastico beneficio prebendali seu alio competenti provideas vel provideri facias, si vacat adpresens vel quamprimum obtulerit se facultas, ubi videris expedire. Non obstante, quod idem clericus alias beneficiatus existit, vel si in loco, in quo sibi duxeris providendum, sit statutum de certo canonicorum numero iuramento sive alia firmitate vallatum, aut si direximus scripta nostra pro aliis, quibus nolumus etc. usque generari, aut aliqua sedis apostolice indulgentia, per quam possit retardari effectus nostre gratie seu etiam impediri et de qua specialem in nostris litteris oporteat fieri mentionem. Contradictores etc. Dat. Lugduni, II. id. mar. anno V°.

Source Fulltext: Chartularium Sangallense III, Nr. 1402, S. 315.