+ Innocentius + episcopus servus servorum dei dilectis filiis . . abbati Cistercii¹ eiusque coabbatibus et conven||tibus universis Cisterciensis ordinis salutem et apostolicam benedictionem. lustis petentium desideriis dignum est || nos facilem prebere consensum et vota, que a rationis tramitte non discordant, effectu prosequente com||plere. Eapropter dilecti in domino filii vestris iustis precibus inclinati auctoritate vobis presentium indulgemus, ut in parrochiis illis, in quibus veteres vobis decime sunt concesse, novalium quoque, de quibus aliquis hactenus non percepit, pro portione, qua et veteres vos contingunt, percipere valeatis. Nulli ergo omnino hominum liceat hanc paginam nostre concessionis infringere vel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Lugduni, III. kl. februarii, pontificatus nostri anno octavo.

Source Fulltext: Chartularium Sangallense III, Nr. 1453, S. 345.