. . abbati sancti Galli¹. Quia Romane ecclesie, que tanquam pia mater non claudit redeuntibus gremium, sed peccatoris querens reddtum^a) porrigit tabulam penitentie naufragis, licet inmeriti presidentes cupimus ad devotionem ipsius ecclesie oberantes^b) ab ea qua decet sollicitudine revocare, discretioni tue, de qua gerimus in domino plenam fiduciam, presentium auctoritate concedimus, ut quoslibet tam clericos quam laicos quorumcumque locorum de Alamania, qui carissimo in Christo filio nostro W. regi Romanorum illustri² adherentes et prestantes tibi eiusdem regis nomine fidelitatis debite iuramentum te in defensorem suum duxerint eligendum, possis ab ex communicationum sententiis, quas adherendo quondam F., qui se tunc pro imperatore gerebat³, incurrisse noscuntur, absolvere iuxta formam ecclesie vice nostra et relaxare interdicti sententias, si que in eorum terras fuerunt hac occasione prolate, ac dispensare cum eisdem clericis super irregularitate, si quam exinde forsitan contraxerunt, prout secundum deum videris expedire, recepta prius a predictis de stando super hiis mandatis ecclesie sufficienti et idonea cautione. Liceat quoque tibi corpora mortuorum hominum eorundem locorum extra cimiteria ecclesie occasione huiusmodi tumulata ecclesiastice tradere sepulture ac, si^c) sepulta fuerunt ibidem, in eis permittere remanere, dummodo manifesta signa penitentie precesserint in mortuis prenotatis. Quod si alique persone vel loca venerabilem fratrem nostrum . . episcopum Constantiensem⁴ acte pariter, ut premissum est, in defensores et capitaneos duxerint eligendos, una cum ipso circa personas et loca eadem huiusmodi concessionis ministerium exequaris. Contradictores etc. Dat. Lugduni, IIII. id. mar. anno VIII°.

Source Fulltext: Chartularium Sangallense III, Nr. 1463, S. 353.