Nos Bertholdus dei gratia sancti Galli abbas¹ universis presentium inspectoribus salutem in salutis auctore. Cum || omnia facta mortalium temporalem sequantur motum, expedit, ut, ne labantur cum tempore, que geruntur in tempore, literarum ac testium || aminiculo ad perpetuitatem memorie fultiantur. Noverint igitur tam presentes quam posteri, quod Albertus nobilis de Bussenanc² || curiam suam in Rv^otirsholz³ cum omni iure et omnibus ad eandem curiam pertinetibus^a), quam a nobis et nostro monasterio nomine pheodi possidebat, nobis et nostro monasterio resignavit. Nos vero ob honorem dei et gloriose virginis Marie genitricis eius nec non omnium sanctorum et ad instantiam precum predicti Alberti de consensu unanimi et voluntate concordi Mangoldi prioris⁴ et Alberti prepositi⁵ totiusque capituli nostri monasterio in Maggino^vwe⁶ ordinis Cisterciensis et personis ibidem militantibus domino curiam memoratam concessimus libere in perpetuum perfruendam, statuentes, ut dictum monasterium Maggino^vwe singulis annis in festo beati Galli mediam libram cere census nomine nobis et nostro monasterio ad aram sancti Galli offerendo persolvat. Hec autem ut rata ac inconvulsa permaneant, presentem paginam desuper scriptam nostro nostrique capituli sigillis fecimus roborari. Huius itaque facti testes sunt hii: magister Heinricus dictus de Zurzach⁷, Burcardus dictus de Rinegge⁸ plebanus in Rorschach⁹, Ysaac sacerdos sancti Oswaldi¹⁰ et Rv^odolfus Gielo¹¹, Waltherus de Lindinberc¹², Rv^odolfus Dispensator¹³, V^olricus et Gerwigus Plarrarii¹⁴, Cristanus Magister Coquine¹⁵.||
Dat. apud sanctum Gallum, anno domini M°CC°L°II°. indictionis undecime. II°. nonas decenbr.

Source Fulltext: Chartularium Sangallense III, Nr. 1483, S. 364-365.