Bertoldus^a) dei gratia abbas¹, Manegoldus^b) decanus², Albertus^c) prepositus³ totusque conventus monasterii sancti Galli dilectis in Christo Adilheidi^c) abbatisse ||et conventui sororum in Maggenowe^d)4 salutem in domino^e). Ad peticionem nobilis viri domini Alberti^f) de Bussenanc⁵ militis resignante eo nobis cu||riam in Altinrieth⁶, quam ab ecclesia nostra infeodatam tenebat, ipsam vobis nomine monasterii vestri donamus ac iure perpetuo assignamus^g), vobisque resig||nantibus ad^h) manus nostras^h) curiam Riutirsholzⁱ⁾⁷ eam prefato nobili concedimus infeodatam, eo^k) quod inter vos et ipsum nobilem pactum tale liberaliter intervenisset^k). Quia vero in quantum possumus cavere nos expedit, ne unde aliis proficimus inde in nobis ipsis^l) deficiamus, nobilem memoratum ad hoc induximus, quod ad cavendum indempnitati ecclesie nostre de prediis suis duas curias an dim Steine⁸ et an dir Ruti⁸ nuncupatas nobis et ecclesie nostre predicte donavit pro recompensatione curie in Altinrieth, que predium nostrum existebat, easque recepit a nobis feodaliter obtinendas. In quorum omnium evidentiam et robur perpetuo valiturum presentem cartam vobis damus sigillorum nostrorum abbatis scilicet et conventus munimine roboratam^m). Act. apud sanctum Gallum, anno domini MCCLVIII. V. non. octobr.

Source Fulltext: Chartularium Sangallense III, Nr. 1592, S. 429.