R.^a) comes de Raprechtswiller¹ universis Christi fidelibus presentes litteras inspecturis salutem et || rei geste noticiam. Quoniam ea, que in tempore geruntur, simul cum tempore dilabuntur, ne||cesse est, ut, quod memorie labilitatem preterfugit, scripture perpetuitate utiliter conservetur. || Proinde noveritis, quod nos aream sitam iuxta lacum qui dicitur Walase² prope domum sororum commorancium in loco qui dicitur Widon³ versus occidentem, de qua area nobis census trium denariorum a Rodolfo dicto bî dem Bache⁴ annis singulis solvebatur, ubi nunc est hortus holerum excultus a sororibus supradictis, quibus idem Rod. iam dudum eandem aream propter filias suas ibidem in collegio domino servientes reliquit, quando cum fratre suo Rodolfo filio prefati Rodolfi hereditatem diviserunt, memoratis sororibus pro anime nostre et parentum nostrorum remedio cum iure proprietatis, quod ad nos antea in eadem area pertinebat, de consensu et voluntate predicti Rodolfi libere ac spontanee contulimus manu nostra et supradictum censum trium denariorum ipsis relaxavimus, ita quod nec ipse nec prefatus R. nec ullus heres eius ipsum censum nobis aut nostris heredibus solvere teneatur. In huius rei testimonium presentes litteras sigilli nostri⁵ munimine decrevimus roborare. Acta sunt hec apud aream supradictam, anno domini M°CC°L°VIIII°. III°. kl. iunii, indict. II^a. presentibus testibus, quorum nomina sunt hec: frater H. de Galgenn(un)^b)6, frater C. de Thurego⁷, Richwinus an dem Waege, R. dictus Wachirbolt, V^ol. dictus Rvo^emli, R. dictus Hawo, R. dictus Zoeli et filius suus Diethaelmus et alii quamplures, qui huic donacioni pariter interfuerunt.

Source Fulltext: Chartularium Sangallense III, Nr. 1605, S. 435-436.