In nomine domini amen. Nos E. dei gratia Constantiensis episcopus¹, B. divina permissione abbas sancti Galli² notum facimus universis presentium in||spectoribus, quod devotionem et sinceritatem fidei, quas nobilis vir Hart, senior comes de Kiburch³ et progenitores sui ad ecclesiam Constantiensem, mona||sterium sancti Galli et personas nostras specialiter habuisse noscuntur, provide attendentes, ad assistendum et favendum sibi ac defendendum eum contra || invasiones et insultus nobilium virorum Hart. de Kiburch iunioris⁴ et Rudolfi de Habespvrc⁵ comitum nos per iuramenta corporaliter prestita tactis sacrosanctis ewangeliis obligasse^a), promittentes sub debito huiusmodi iuramenti, quod numquam ab ipsius consilio et auxilio aliquatenus desistemus, antequam inter eum et prefatos comites pacis federa fuerint reformata, nullum de hoc etiam tractatum habere vel facere sine sui consilio et certa scientia presumendo. Si vero supradictus comes H. senior, quod deus avertat, debitum carnis exsolvat, illustri domine Margarete^b)6 coniugi sue ad assistendum, favendum, manutenendum et defendendum eam in rebus tam mobilibus quam immobilibus sibi de iure propter mortem ipsius pertinentibus ab impugnatione, infestatione seu omni gravamine ac perturbatione prefatorum comitum per idem iuramentum esse volumus obligati, et quod nunquam tractatum aliquem habebimus de pace cum ipsis, nisi dicte comitisse voluntas ad hoc accesserit et consensus. Et si contra aliquid in hiis litteris tam ipsi H. comiti quam comitisse promissum ausu temerario venire presumpserimus, profitemur nos ipso facto esse periuros. Datum et actum Ailgo^v7, anno domini M°CC°LIX°. dominica proxima post festum beati Johannis Baptiste.

Source Fulltext: Chartularium Sangallense III, Nr. 1607, S. 436-437.