Universis^a) Christi fidelibus hanc paginam inspecturis Eberhardus dei gratia episcopus Constantiensis¹ habere noticiam subscriptorum cum salute. Vita^b) hominum instabilis ac memoria labilis || monent gesta temporum perhennari serie litterarum. Igitur^c) presentes noverint et futuri, quod reverenda in Christo Bertha abbatissa et conventus de Velpach² Cysterciensis ordinis monasterio ipsius in Veltpach et || dilectus in Christo Hainricus dictus de Clingenberc³ rector ecclesie in Hohenberc⁴ canonicus Constantiensis ecclesie dicte in Hohenberc invicem proficere cupientes, inspecta hinc inde tam utilitate monasterii et conventus quam ecclesie memorate, pre||fatus Hainricus decimas in curia Oggerswilar⁵ et in der Wildun Hvbe⁶ cum omnibus suis appendiciis tam minutas quam maiores et etiam novalium, sique nunc vel processu temporis exculta fuerint ibidem, que dicte ecclesie pertinebant vel pertinere videbantur, cum omni iure memorate abbatisse et monasterio contulit antedictis liberaliter perpetuo possidendas, facta sibi recompensatione per summam XX. marcarum argenti puri ac legalis, per quas idem Hainricus curtim in Rekinwillar⁷ a Wilhelmo de Mulhain⁸, qui eandem curtim a viro nobili V^olrico de Clingen⁹, qui est advocatus apud Steine¹⁰, in feodum tenuerat, ipse vero V^olricus a venerabili domino Bertholdo abbate¹¹ et conventu monasterii sancti Galli de eadem curti similiter fuerat infeodatus, comparavit ac usibus ecclesie prefate in reconpensationem iam dictarum decimarum deputavit, de qua rector ecclesie in Hohenberc seu plebanus, qui pro tempore fuerit, monasterio sancti Galli in signum dominii singulis annis unam libram cere in festo sancti Galli tenetur persolvere quocumque casu contingente, nostro, capituli nostri, reverendi in Christo predicti abbatis nec non conventus monasterii sancti Galli, V^olrici de Clingenberc¹² patroni et advocati eiusdem ecclesie ac aliorum, quorum intererat, consensu voluntate et consilio accedente, fide nobis plenius facta a fide dignis, quod huiusmodi permutatio tam monasterio abbatisse et conventui inVeltpach iam dictis quam ecclesie prenotate foret nunc et inposterum utilis et profutura. Ut^b) autem hec maneant firmiora, presentem paginam sigilli nostri, predicti domini abbatis sancti Galli, capituli nostri nec non conventus sancti Galli ac etiam Hainrici de Clingenberg rectoris ecclesie supradicte, V^olrici etiam patroni et advocati eiusdem ecclesie et abbatisse et conventus in Veltpach munimine procuravimus communiri. Acta sunt hec in Constantia, anno domini M°CC°LX°, III° nonas octobris, indictione III.

Source Fulltext: Chartularium Sangallense III, Nr. 1645, S. 470-471.