Omnibus Christi fidelibus presentium inspectoribus . . prepositus et Adelhedis priorissa totusque conventus de Bollingin¹ Premonstratensis ordinis Constantiensis dyocesis noticiam || subscriptorum. Noverint universi tam posteri quam presentes, quod questio seu controversia, que inter nos ex una et . . abbatissam suumque conventum de Wurmespach^a)2 ex parte || altera super tribus mansis videlicet in predicto loco Wurmespach et circumquaque sitis³ aliquamdiu vertebatur, per reverendos in Christo . . de Capella⁴ et . . de Ruti⁵ abbates et fratrem Johannem || gardianum fratremque Ottonem de ordine fratrum Minorum⁶ necnon per fratrem Chu^onradum et fratrem Ottonem dictum Manezzen⁷ de ordine fratrum Predicatorum⁸ domuum Thuricensium atque per fratrem V^olricum de Wezinchon⁹ domus hospitalis sancti Johannis de Bu^obinchon¹⁰, in quos tamquam in arbitros a partibus extitit compromissum, super hoc predictorum dominorum abbatum accedente etiam voluntate, per dictos arbitros taliter est sopita, quod nos de unanimi consensu conventus sponte non coacte bona fide ac sine omni fraude utilitate propria inspecta omni controversie liti actioni et iuribus, que in predictis tribus mansis et eorum pertinentiis, super quibus contentio vertebatur, nobis competebat vel competere videbatur, pro quinquaginta marcis legalis argenti ponderis Thuricensis, pro quibus sufficientem cautionem recepimus, in manus predicte . . abbatisse nomine conventus sui et ipsius posteritatis pro nobis et omnibus nobis succedentibus in futurum libere renunciamus et omnia premissa ipsis alienando conferimus et resignamus, omni etiam iuri canonico et civili, quod nobis posset competere circa bona supradicta, et beneficio restitutionis in integrum omni nostri ordinis privilegio huic facto qualitercumque obvianti constitutioni consuetudini editis et edendis et omnibus aliis, occasione quorum restitutio nobis de bonis posset competere memoratis et factum huiusmodi retractari posset aliqualiter vel cassari, renunciantes tenore presentium libere et expresse. In testimonium autem omnium premissorum presentem litteram de nostro rogatu confectam et conscriptam tradimus prenominatis . . abbatisse et conventui sigillis venerabilis patris domini Eberhardi Constantiensis¹¹ episcopi et domini nostri¹² . . abbatis de Ruti, . . gardiani fratrum Minorum, . . prioris fratrum Predicatorum de Thurego, illustri^b) domini Rv^odolfi comitis de Rapresswile¹³ et nostris videlicet . . prepositi et . . priorisse, quibus nos conventus utimur in hac parte, patenter communitam. Testes, qui interfuerunt, hii sunt: Arnoldus¹⁴ capellanus dicti comitis plebanus in Rapresswile, Heinricus plebanus de Bollingin, Johannes Ru^omer¹⁵, Heinricus de Turri¹⁶, Albertus de Vrinkon¹⁷, Berctoldus villicus de Klatbrunnen^b)18, Rv^odolfus Ruselinus, Heinricus de Augia¹⁹ milites, Heinricus scultetus²⁰, V^olricus Sto^vri, Chv^onradus et Rv^odolfus Eckol, Chv^onr. Paganus, Berctoldus de Ru^ozikon²¹, Rv^odol. de Hinderburch²², Rudolfus Huphano, V^olricus et Waltherus de Ottewile²³, Heinricus Seltensprunch, Lutoldus nauta, Berctoldus et Heinricus filii sculteti de Rapresswile et alii quam plures. Acta sunt hec in eclesia Bollingin, anno domini M°.CC°. sexagesimo. IX°. kl. novembris, indictione quarta.

Source Fulltext: Chartularium Sangallense III, Nr. 1647, S. 472-473.