In nomine domini amen. Bertholdus dei gratia abbas¹ totusque conventus monasterii sancti Galli omnibus presentium inspectoribus subscriptorum noticiam cum || salute. Ne facta hominum, que provida deliberatione geruntur, oblivionis suborta caligine memorie excidant, expedit ea scripturarum testimoniis || perennare. Igitur presentes noverint et futuri, quod V^olricus in Harena et Haeinricus dictus Tvcwas cives Constantienses possessiones sitas in Hemmenhowen²|| dictas vffen Kemenatvn, de Hv^obe, zi Jvgge, quas ab ecclesia nostra tenuerunt iure feodali, recepta certa summa peccunie videlicet viginti tribus marcis argenti puri et legalis ponderis Constantiensisa reverendis in Christo abbatisse^a) et conventu in Veltpach³ ordinis Cistertiensis, ad manus nostras libere resignarunt, renunciantes pro se suisque heredibus omni iuri, quod in eisdem habuerunt vel habere videbantur. Nos vero habita resignatione ab eisdem facta de possessionibus antedictis pia consideratione consensu unanimi accedente monasterio in Veltpach ac abbatisse et conventui contulimus perpetuo possidendas, ita videlicet, ut singulis annis in festo Martini unam libram cere census nomine ad maius altare monasterii nostri persolvant. In cuius rei evidentiam presens scriptum ipsis contulimus nostro ac conventus monasterii nostri sigillorum testimonio communitum. Dat. apud sanctum Gallum, anno domini M° CC° LXV°. XVII°. kl. augus., indic(t)ione VIII^a, presentibus hiis, quorum nomina subscripta sunt, videlicet Ysaac de sancto Oswaldo⁴, Heinricus et Waltherus de sancta Fide⁵, Heinricus de Prato⁶, Egilolfus de sancto Iohanne⁷ presbiteri, Waltherus de Kilcheim⁸, canonicus sancti Stephani Constantiensis, Rv^odolfus Lestinus laicus et alii quidam.

Source Fulltext: Chartularium Sangallense III, Nr. 1754, S. 530-531.