+ Henricus + dei gratia Curiensis electus¹ universis hanc litteram inspecturis salutem in perpetuum. Cum ex officio pastorali omnibus ecclesiis ac servis || Christi sibi devote famulantibus pio affectu subvenire debeamus, ad dilectos in Christo . . abbatem et conventum sancti Johannis in Turtal² oculis misericordie || respicientes paupertati eorum ex ipsorum devotione manum intendimus porrigere karitatis. Hinc noverit presens etas et futura posteritas, quod nos cum || communi consensu et consilio nostri capituli capellam in Chalcherrun³, que ex antiquis temporibus ad collationem dictorum abbatis et conventus spectare dinoscebatur, contulimus propter deum gratia speciali eos prevenire volentes, ita quod redditus dicte capelle ad mensam abbatis et fratrum inposterum redundent et ipsi dictos redditus percipiant pacifice et quiete. Insuper gratiam huiusmodi eis amplificare desiderantes damus eis facultatem instituendi^a) vicarium dicte capelle unum ex fratribus quem voluerint idoneum salvo iure diocesani. Et ne presens gratia dictis abbati et fratribus a nobis facta inposterum a successoribus nostris vel a quoquam infringatur vel aliquatenus irritetur, presentem paginam sigillorum nostrorum munimine roboratam eis contulimus et ad certam rei firmitatem sepedictam gratiam dictis sigillis fideliter munimus. Acta sunt heec^b) in choro Curiensi, anno gratie millesimo ducentesimo sexagesimo quinto, V° idus decenbris^b), die mercurii nona die intrante eodem, indicionis none, presentibus testibus magistro V^ol. decano Curiensi⁴, domino Bur. preposito ibidem⁵, domino Arnoldo de Libec⁶ canonico dicte ecclesie et aliis canonicis, domino Conrado milite de Ruhenberc^c)7, Sifrido advoca[to, Burckar]do^d) dicto Balf et aliis quam pluribus.

Source Fulltext: Chartularium Sangallense III, Nr. 1758, S. 533.