Item. Nach dem vnd die gabungenn geschechen sind, ist das gotzhus in langem bruch vnd v^ebunng gewesen, vnd aber die zit har, so daß wirdig gotzhus lange krieg vnd widerwertigkait ob hundert jarenn her mit den iren gehept hat, also das es die^a) nahen vmbligenden ding behalten nit kond, vil minder die veren ding mocht in der v^ebunng behalten, vnd disen langkundigen dingenn^b) sind die Malaschen¹ zu^ogefaren, namlich die Visconten, denen die apty Massin gewonlich allweg verliehen ist mit iren zinsen vnd gulten, doch das jerlich in das gotzhus sant Gallen d(ie)^c) presentz vnd gabunng geschickt solt werdenn, die denn in den briefen der investitur² darvmb verschriben ist, vnd namlich wenn es nit gescheche, die pen, die darvff gesetzt ist, bezalt so^elt werden, wo sach were, das die recht bezalunng nit gescheche im zit, so es verschriben ist. 

Language: Deutsch

Notes: