+ W. dei gratia dux¹ Adelberto preposito et aliis dilectis fratribus canonicis de Ittingen² perpetuam in Christo salutem. + Peticionibus iustis assensum devote inpendimus et ea, que ad profectum et munimentum ordini vestro et sancto proposito esse possunt, libenter concedimus. Unde ne spiritale || propositum, quod deo auctore in loco supradicto noscitur institutum, alicuius hominis fraude vel malivolentia sive quacumque occasione in posterum perturbetur, noticie˛ poste||rorum presenti scripto insinuamus, quod nos intuitu pietatis et religionis predium Ittingen cum omnibus pertinentiis suis, insuper advocatiam ecclesie˛, que˛ in villa Vsilingen³ sita est, cum omnibus, que ad hoc ius pertinere videntur, vobis et e˛cclesie˛ vestre˛ sollemni donatione tradidimus vobisque ac vestris successoribus huius laudabilis vite˛ propositum pie inibi servantibus perpetuo iure presentis scripti adtestatione confirmamus et post hanc sollemnem traditionem omnem actionem reposcendi vel calumniam de eodem predio refutamus. Sane quicquid in hac re per nos factum est, coram rege et magna principum frequentia in curia, que˛ aput Vlmam⁴ in festo beati Iacobi apostoli celebrata est, publice exposuimus, ubi nicholominus^a) cum omni diligentia iuxta modum donationis nostre˛ rex dato privilegio regalis subsidii⁵ omnia salva et illesa vobis et vestris successoribus perpetuo iure habenda atque possidenda confirmavit. Si quis igitur in posterum quicquam ex his, que˛ bene deo auctore fecimus, mutare vel turbare presumpserit, contra regalem dignitatem se facere agnoscat et nostram ac nostrorum successorum offensam se incurrere certissime sciat ac deo se ingratum de perpetrata iniquitate existere recognoscat. Preterea si quelibet persona familie˛ nostre˛ pro remedio anime˛ sue˛ predicte˛ e˛cclesie˛ predium suum conferre voluerit, benigne concedimus. He autem persone de eadem familia intererant Fridericus et frater eius Dietho et Hermannus de castro Rauensburc⁶, Co^vnradus de Smaluneko⁷, Fridericus de Walpurch⁸, Ad[e]lbero^b) de Nuenburc⁹ et frater eius Kiso, Heinricus de Ramungin¹⁰ et alii quam plures, presente comite Co^vnrado de Valeio¹¹, Werneherus de Altorf¹², Adelgoz de Emilinstetin¹³, Ro^vdolfus de Chichilingen¹⁴, Heinricus de Hagenvvo¹⁵.

Source Fulltext: Chartularium Sangallense III, Nr. 907, S. 28-29.